![“Zəfər yolu”nun asfaltlanması davam edir](https://turan.az/resized/750/500/resize/media/2021/main/070700035302.jpg)
“Zəfər yolu”nun asfaltlanması davam edir
Bakı/07.07.21/Turan:” Zəfər yolu"nun asfaltlanmasına başlanılıb və Şuşanın azad edilməsinin mənəvi rəmzi olan “Zəfər yolu”nun genişləndirilərək inşası davam etdirilir.
Bu barədə Azərbaycan Avtomobil Yolları Dövlət Agentliyi məlumat yayıb. “Təməli 2020-ci ili noyabrın 16-da qoyulmuş “Zəfər yolu” cəmi 2 ay ərzində genişləndirilib.
Qısa müddət ərzində görülən işlər nəticəsində yol boyunca gediş-gəliş qısa müddətdə təmin edilib,” məlumatda vurğulanır.
Uzunluğu 101 kilometr olan “Zəfər yolu” Qarabağın inkişaf planı nəzərə alınmaqla başlanğıcını Hacıqabul-Mincivan-Zəngəzur dəhlizi magistral avtomobil yolundan götürməklə Şuşa şəhərinə qədər uzanır.
Məlumatda yolun ayrı-ayrı hissələrində görülən işlər barədə də danışılır, hazırda yolboyu genişmiqyaslı tikinti işlərinin icra olunduğu vurğulanır: “Yeni inşa edilən yol boyunca layihəyə uyğun suların ötürülməsini təmin etmək məqsədilə dairəvi boru və düzbucaqlı su keçidləri, həmçinin zəruri olan yerlərdə 3 yeni avtomobil körpüsünün inşası davam etdirilir,” məlumatda bildirilir.
Məlumata görə, bu il sentybarın 22-dək kimi yolun tam olaraq iki hərəkət zolağı enində asfaltlanaraq istifadəyə verilməsi planlaşdırılır.
Xatırladaq ki, işğaldan azad edilmiş Füzuli, Xocavənd, Xocalı və Şuşa rayonlarının ərazisindən keçməklə inşa edilən “Zəfər yolu” Füzuli və Şuşa şəhərləri də daxil olmaqla sözügedən rayonların 20-dən artıq yaşayış məntəqəsini əhatə edəcək.-05D-
-
- Cəmiyyət
- 7 İyul 2021 11:54
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz