Açiq mənbələrdən foto.
Bakı/10.06.22/Turan: İyulun 13-də Ali Məhkəmədə hüquq müdafiəçisi və araşdırmacı jurnalist Elçin Məmmədin barəsində təyin olunmuş cəzanın yüngülləşdirilməsi barədə apellyasiya məhkəməsinin ötən ilin dekabrındakı rədd qərarından verilmiş kassasiya şikayətinə baxılacaq. Bu barədə Turan-a Məmmədin rəhbərlik etdiyi "Sumqayıt Gənclərinin Hüquqi Maarifləndirilməsi" QHT-dən bildiriblər.
Suraxanı rayon Məhkəməsi Məmmədin hazırda saxlanıldığı 16 saylı cəzaçəkmə müəssisəsinin verdiyi xasiyyətnaməyə əsasən cəzasını yüngülləşdirməkdən imtina edib. Cəzaçəkmə müəssisəinin administrasiyası Məmmədin "islah olmadığını" və "əməlindən peşman olmadığını" bildirib.
Bu zaman Apellyasiya Məhkəməsi Məmmədin davranış normalarına əməl etdiyini müşahidə etmək üçün müəssisənin müşahidə kameralarının yaddaşındakı görüntülərdən istifadə edilməsi və məhkum yoldaşlarının ifadələrinin alınması haqqında vəsatətini təmin etməyib.
Məmməd kassasiya şikayətində Ali Məhkəmənin Plenumunun 8 oktyabr 2010-cu il tarixli qərarına istinad edib. Həmin qərarda göstərilir ki, məhkəmələr cəzaçəkmə müəssisələrinin irəli sürülmüş dəlilləri ilə kifayətlənməməlidir.
Hüquq müdafiəçisi apellyasiya şikayətinə onun əsassız yerə cinayət məsuliyyətinə cəlb edilməsi ilə bağlı nüfuzlu beynəlxalq qurumların məhkəmələrə ünvanladığı məktubları da əlavə edib.
* 2020-ci il oktyabrın 17-də Sumqayıt şəhər məhkəməsi "Sumqayıt Gənclərinin Hüquqi Maarifləndirilməsi" QHT-nin rəhbəri və "Yüksəliş Naminə" saytının redaktoru Elçin Məmmədi "oğurluq" və "silah və döyüş sursatlarının qanunsuz saxlanılması"nda təqsirli bilərək 4 il müddətinə azadlıqdan məhrum edib.
Amnesty İnternational, PEN, FİACAT və digər beynəlxalq təşkilatlar Məmmədin həbsini pisləyib. Yerli hüquq müdafiəçiləri onu siyasi məhbus kimi tanıyıb. 05B06
Cəmiyyət
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
Rəy yaz