Ali Aliyev
Ali Məhkəmə müxalifətçi Əli Əliyevi həbsdə saxlayıb
Bakı/19.10.22/Turan: Oktyabrın 18-də Azərbaycan Ali Məhkəməsi Vətəndaş və İnkişaf Partiyasının sədri Əli Əliyevin azadlıqdan məhrum edilməsi barədə kassasiya şikayətini təmin etməyib.
Yanvarın 13-də Bakının Yasamal Rayon Məhkəməsi Əli Əliyevi böhtan ittihamı ilə 5 ay müddətinə azadlıqdan məhrum edib.
Sərhəd xidmətinin polkovnik-leytenantı Emil Cəfərov ona qarşı xüsusi ittiham qaydasında şikayət verib. Sərhəd xidmətinin digər zabiti Ramin Ədilov da Əliyevə qarşı analoji şikayətlə müraciət edib. Bu şikayət əsasında Əliyev daha bir ay həbs cəzası alıb.
Onların hər ikisi noyabrın 30-da Xızı rayonu ərazisində qəzaya uğrayan Mi-17 vertolyotunda sağ qalanlardır. İddiaya 9 dekabr 2021-ci il tarixində Əliyevin Osmanqızı TV Youtube- kanalına verdiyi müsahibə səbəb olub.
Əsasən Əliyev ehtimal edib ki, vertolyot xarici təsir nəticəsində qəzaya uğraya bilər, ona görə də Sərhəd Xidmətinin vertolyotuna hücum Azərbaycanın sərhədinə hücum kimi qiymətləndirilməlidir.
Əliyev təxribatın arxasında uzun müddətdir ki, Azərbaycan sərhədini nəzarətə götürməyə çalışan Rusiyanın ola biləcəyini istisna etməyib.
Sonradan hakim Yeni Azərbaycan Partiyasının keçmiş funksioneri Ramiz Göyuşovun iddiası ilə Əliyevin cəzası 1 ilədək artırılıb.
Oktyabrın 18-də Ali Məhkəmə Əliyevin Ramin Ədilovun iddiası üzrə çıxarılmış hökmdən verdiyi şikayəti təmin etməyib.
Əliyev özü məhkəmənin obyektivliyinə inamsızlığını ifadə edərək prosesdə iştirakdan imtina edib.
İclasda müdafiə tərəfi Apellyasiya Məhkəməsinin bu iş üzrə çıxardığı hökmün ləğv edilməsini və bəraətverici qərar çıxarılmasını istəyib.
Vəkil Cavad Cavadov Turan-a bildirib ki, Ali Məhkəmənin qərarından sonra müdafiə tərəfi Avropa İnsan Hüquqları Məhkəməsinə müraciət edəcək.
“Əliyevin birinci işi üzrə artıq Avropa İnsan Hüquqları Məhkəməsinə müraciət etmişik və ərizəmiz Strasburq Məhkəməsində qeydiyyata alınıb”, - vəkil deyib.
Məhkəmə prosesini müşahidə edən “Müdafiə xətti” qeyri-hökumət təşkilatının üzvü Zəfər Əhmədov kassasiya şikayətinə baxılmasını “formallıq” adlandırıb.
“Hər şey proqnozlaşdırılan idi, çünki Əli Əliyevin işi açıq siyasi xarakter daşıyır. İl ərzində onu üç dəfə mühakimə ediblər və sırada başqa bir iş var – guya kamera yoldaşını döyməsilə bağlı.Onun məhkəmələrinin hüquqla heç bir əlaqəsi yoxdur - bunlar siyasi işlərdir. Sadəcə, onu sındırmaq və əməkdaşlığa (hakimiyyətlə) razı salmaq istəyirlər. Buna nail olmasalar, hələ uzun müddət həbsdə saxlayacaqlar”, - Əhmədov Turan-a bildirib.
Xüsusi ittihamçı Ramin Ədilovdan şərh almaq mümkün olmayıb. 06D
-
- Maliyyə
- 19 Oktyabr 2022 12:40
Cəmiyyət
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
-
Sentyabrın 27-də paytaxtda hava dəyişkən olacaq. Gecə bəzi yerlərdə yağış yağa bilər. Şimal-şərq küləyi əsəcək.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 663
Rəy yaz