Bakı/03.10.17/Turan: Bu gün Azərbaycan Ali Məhkəməsi Rauf Mirqədirovun Bakı Apellyasiya Məhkəməsinin ittiham hökmünün qüvvədə saxlanması və 6 illik həbs cəzasının şərti cəza ilə əvəz edilməsi haqqında 17 mart 2017-ci il tarixli qərarından verdiyi kassasiya şikayətini təmin etməyib.
Kassasiya şikayətində müdafiə tərəfi 274-cü (dövlətə xəyanət) maddə üzrə həbs edilmiş jurnalistə tamamilə bəraət verilməsini istəyirdi. Amma Ali Məhkəmə Apellyasiya Məhkəməsinin qərarını qüvvədə saxlayıb.
Vəkil Fuad Ağayev bildirib ki, "Mirqədirov barəsində dövlətə xəyanət ittihamı absurddur".
İstintaq jurnalistin təqsirinə əsaslı dəlil təqdim etməyib.
Birinci instansiya məhkəməsində bütün şahidlər Mirqədirovun xeyrinə ifadə veriblər, deyə vəkil qeyd edib.
Mirqədirov 19 aprel 2014-cü il tarixində Türkiyədə saxlanılıb və qanunvericilik prosedurlarına riayət etmədən qanunsuz olaraq Azərbaycana deportasiya olunub.
Jurnalist deportasiyası ilə bağlı Avropa İnsan Hüquqları Məhkəməsinə şikayət verib.
Müdafiə tərəfi həmçinin həbs qərarından və işin mahiyyəti üzrə hökmdən şikayət verib.
2016-cı ilin sentyabrında jurnalist Azərbaycandan mühacirət edib. -06D-
Cəmiyyət
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
-
Lider mobil operatorun elan etdiyi sosial layihə müsabiqəsində qalib gələn "Alternativ” Kommunikasiya və Tədqiqatlar İctimai Birliyi “FarmHer” proqramını həyata keçirir
Rəy yaz