Bakı/03.10.17/Turan: Araşdırmaçı jurnalist Xədicə İsmayılova bu gün Binəqədi rayon polis idarəsinin 5-ci polis bölməsinə çağırılıb.
Jurnalistin Turan-a verdiyi məlumata görə, çağırışın səbəbi məlum deyil. O, bunun şərti cəza rejimi ilə bağlı ola biləcəyini ehtimal edir. Jurnalist bu rejimi pozmayıb.
"Hazırda mən şəhərin mərkəzindəyəm, polisə gedirəm", deyə jurnalist saat 17-də bildirib.
Qeyd edək ki, X.İsmayılova korrupsiyaya və çirkli pulların yuyulmasına qarşı mübarizə üzrə beynəlxalq jurnalist qrupunun məruzəsinin hazırlanmasında iştirak edib.
Bu qrupun Azərbaycan üzrə sonuncu məruzəsi böyük qalmaqala və Azərbaycan hakimiyyətinin ünvanına xaricə qanunsuz olaraq 3 mlrd. avroya yaxın vəsait çıxarmaq və xarici rəsmiləri öz tərəfinə cəlb etmək ittihamlarına səbəb olub. -06B-
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz