Мехман Гусейнов
Ali Məhkəmədə Mehman Hüseynovun kassasiya şikayətinə baxılması yubadılır
Bakı/05.06.18/Turan: Bu gün Ali Məhkəmədə həbsdə olan bloger Mehman Hüseynovun kassasiya şikayətinə baxılması baş tutmayıb. Çünki Penitensiar Xidmət onu prosesə çağırmayıb.
Prosesə sədrlik edən hakim İmran Hacıqayıbov iclasın əvvəlində deyib ki, M.Hüseynovun məhkəməyə gətirilməsi üçün Penitensiar Xidmətə məktub göndərilib. Ancaq naməlum səbəblərdən gətirməyiblər.
Öz növbəsində vəkil Fuad Ağayev deyib ki, bir neçə gün öncə M.Hüseynov məlum olmayan səbəblərdən koloniyadan təcridxanaya köçürülüb.
Xüsusi ittihamçı - Nəsimi Rayon Polis İdarəsinin rəisi Musa Musayev, nə də onun nümayəndəsi iclasa gəlməyib.
Müdafiə tərəfi onların prosesdə iştirakına təkid edir.
M.Hüseynov özü olmadığına görə hakim prosesin 25 iyun saat 16:00-a keçirilməsi barədə qərar qəbul edib.
Qeyd edək ki, M.Hüseynovun işinə ikinci dəfədir ki, Ali Məhkəmədə baxılır.
Birinci dəfə Ali Məhkəmə təkrar məhkəmə istintaqının aparılması üçün işi Bakı Apellyasiya Məhkəməsinə göndərmişdi. Lakin apellyasiya instansiyası mahiyyəti üzrə istintaq aparmayıb və ötən ilin oktyabrında hökmü qüvvədə saxlayıb.
Blogerin həbsinə 2017-ci ilin yanvarında Bakının mərkəzində oğurlandıqdan sonra polisdə işğəncəyə məruz qalması barədə bəyanatı səbəb olub. Buna cavab olaraq Nəsimi Rayon Polis İdarəsinin rəisi Musa Musayev böhtan barədə iddia qaldırıb. Martın 3-də Suraxanı Rayon Məhkəməsi M.Hüseynovu böhtanda (CM-in 147.2-ci maddəsi) təqsirli bilərək iki il azadlıqdan məhrum edib.-03C--
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Xəbər lenti
-
- Siyasət,
- 13:57
- 277
Rəy yaz