Ali Məhkəmənin rəhbəri məhkəmə proseslərinin statistikası barədə
Bakı/17.04.19/Turan: 2018-ci ildə birinci instansiya məhkəmələri 246 920 işə baxıblar: 224 584 mülki, 5029 iqtisadi iş və inzibati mübahisələrə dair 17 307 iş. Bu barədə Ali Məhkəmənin rəhbəri Ramiz Rzayev çərşənbə günü mətbuat konfransında bildirib.
2017-ci illə müqayisədə baxılan işlərin sayı 30,5% azalıb. Ötən il Avropa İnsan Hüquqları Məhkəməsinin qərarı əsasında ləğv edilən işlərin sayı da azalıb, R.Rzayev deyib, ancaq konkret rəqəm göstərməyib və düzgün hökm çıxarmayan hakimlərin hansı sanksiyalara məruz qaldığını açıqlamayıb.
2018-cü ildə Ali Məhkəmənin mülki, cinayət və hərbi kolleqiyaları tərəfindən baxılan işlərin sayı 6,5%, 3,1% və 8,9% azalıb. Eyni zamanda inzibati-iqtisadi kollegiya tərəfindən baxılan işlərin sayı 4 % artıb.
R.Rzayevin sözlərinə görə, məhkəmələr problemli kreditlər üzrə işlərin icraatını dayandırıblar. Bu, məsələ ilə bağlı ölkə prezidentinin fərmanından sonra baş verib. Fərmanın icrası üçün Maliyyə Bazarlarına Nəzarət Palatası ilə birlikdə işçi qrupu yaradılıb. -02D-
-
- Cəmiyyət
- 17 Aprel 2019 13:12
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz