![Açiq mənbələrdən foto.](https://turan.az/resized/media/2021/main/040100030654-750-500-resize.webp)
Açiq mənbələrdən foto.
Almaniya 32 nəfər Azərbaycan vətəndaşını deportasiya edib
Bakı/01.04.21/Turan: Ötən gün Almaniyadan Bakıya 32 nəfər Azərbaycan vətəndaşı deportasiya olunub. Onlar Avropa İttifaqı ilə bağlanmılş icazəsi olmadan yaşayan şəxslərin readmissiyası haqqında sazişə uyğun olaraq göndəriliblər.
Azərbaycan Dövlət Miqrasiya Xidmətinin (DMX) məlumatına görə, geri qayıdan şəxslər Bakı aeroportunda bu qurumun əməkdaşları tərəfindən onların ailə üzvlərinin iştirakı ilə qarşılanıb.
Qəbul koronavirusa qarşı mübarizə ilə bağlı Nazirlər Kabineti yanında Operativ Qərargahın müəyyən etdiyi qaydalar çərçivəsində həyata keçirilib.
Gələn 31 nəfər öz ailəsinin müşayiətilə yaşayış yerlərinə göndərilib. Bir nəfər yaşayış yerinin olmaması səbəbindən yaşayış yerilə təmin edilmək üçün DMX-yə müraciət edib və müvəqqəti olaraq Bakıda DMX-nin saxlanma mərkəzində yerləşdirilib. Bu gün həmin şəxs qohumları tərəfindən mənzillə təmin edilib.
DMX-nin müvafiq işçi qrupu gələnlərin problemlərinin operativ həlli, onların cəmiyyətə reinteqrasiyası istiqamətində tədbirlər görür.16D-
Cəmiyyət
-
Ölkənin ən böyük özəl operatoru “Bakcell” “Dream Fest” Beynəlxalq Musiqi Festivalının premium sponsoru olub. Festival ərzində iştirakçılar “Bakcell” stendinə yaxınlaşaraq şirkətin yeni və innovativ məhsulları barədə məlumat alıblar, xüsusi hədiyyələr qazanmaq imkanı əldə ediblər. Bundan əlavə, şirkət festivalda çıxış edən dünya ulduzlarına “Bakcell” nömrələri təqdim edərək onları ölkəmizdə olduqları müddətdə yüksəkkeyfiyyətli mobil rabitə xidmətləri ilə təmin edib.
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
Rəy yaz