Almaniyadan deportasiya edilən fəal narkotik alverində günahlandırılaraq polis tərəfindən işgəncələrə məruz qalıb

Bakı/12.11.21/Turan: İyun ayında Almaniyadan readmissiya əsasında deportasiya edilən və oktyabrın 25-də saxlanılan ictimai fəal Malik Rzayev işgəncələrə məruz qaldığını açıqlayıb. Bu barədə Turan-a onun vəkili Nemət Kərimli məlumat verib.

Vəkil müdafiəyə noyabrın 1-də qoşulub və yalnız ayın 10-da Rzayevlə görüşə bilib. Onun sözlərinə görə, M.Rzayev işgəncə altında ifadə verib. Eyni zamanda, oktyabrın 30-dan noyabrın 10-dək olan müddətdə R.Rzayev iki dəfə qanunsuz olaraq istintaq təcridxanasından Sumqayıt polisinə aparılıb.

“Bir vəkil kimi mənə bu barədə heç bir məlumat verilməyib”, - deyə Kərimli bildirib. Vəkilin sözlərinə görə, müdafiə etdiyi şəxs döyülüb və zorlanmaqla hədələnib.

Vəkil şikayətin araşdırılması üçün Sumqayıt Prokurorluğuna müraciət edib. Öz növbəsində, Daxili İşlər Nazirliyinin mətbuat xidmətinin KİV və ictimaiyyətlə əlaqələr şöbəsinin rəisi Elşad Hacıyev işgəncə faktını təkzib edib. "Bu ifadə tamamilə əsassızdır və istintaqa təzyiqdir", - Hacıyev Turan-a bildirib.

Yaxınlarının verdiyi məlumata görə, R.Rzayev oktyabrın 25-də Sumqayıt şəhəri yaxınlığındakı Hacı Zeynalabdin Tağıyev kəndində mülki geyimli şəxslər tərəfindən saxlanılıb. Maddəsi ilə ittiham olunub. Cinayət Məcəlləsinin 234.4.3-cü (narkotik vasitələrin qanunsuz dövriyyəsi) maddəsi ilə ittiham olunaraq, məhkəmənin qərarı ilə 4 ay müddətinə həbs edilib.

Yaxınlarının dediyinə görə, Malik Rzayev oktyabrın 25-də Sumqayıt şəhərində yerləşən Hacı Zeynalabiddin Tağıyev qəsəbəsində mülki geyimli şəxslər tərəfindən saxlanılıb. Ona qarşı Cinayət Məcəlləsinin 234.4.3-cü maddəsi (külli miqdarda narkotik maddənin qanunsuz dövriyyəsi) ilə ittiham irəli sürülüb. Məhkəmənin qərarı ilə barəsində 4 ay müddətinə həbs qətimkan tədbiri seçilib.

Rzayev ittihamı qəbul etmir, sifariş hesab edir. O, faktiki olaraq Azərbaycan Xalq Cəbhəsi Partiyasının fəalı Mütəllim Orucovla eyni vaxtda həbs edilib. Hər iki fəal bu il iyun ayında Almaniyadan readmissiya olunaraq Azərbaycan göndərilib.

Hüquq müdafiəçilərinin məlumatına görə, Almaniyada olarkən hər iki fəal azərbaycanlı siyasi məhbusların müdafiəsi ilə bağlı keçirilən etiraz aksiyalarında fəal iştirak edib.

Orucov da Cinayət Məcəlləsinin 234.4.3 maddəsi ilə ittiham olunur. Bu maddə ilə fəalları 5 ildən 12 ilə qədər həbs gözləyir.-06В-