Açiq mənbələrdən foto.
Almaniyadan deportasiya edilmiş iki fəal narkotik maddələrin qanunsuz dövriyyəsində ittiham olunublar
Bakı/01.02.22/Turan: Ötən il noyabrın 24-də Almaniyadan readmissiya ilə qayıtmış fəal Cəfər Mirzəyev külli miqdarda narkotik maddənin qanunsuz dövriyyəsi ittihamı ilə həbs edilib.
O, yanvarın 27-də Bakının Ramana qəsəbəsində mülki geyimli şəxslər tərəfindən saxlanılıb və naməlum istiqamətə aparılıb. Bu barədə Turan-a onun qardaşı Vüsal Mirzəyev bildirib.
Üç gündən sonra doğmaları biliblər ki, Sabunçu Rayon Məhkəməsi Cəfər Mirzəyevin barəsində 4 ay müddətinə həbs qətimkan tədbiri seçib.
Vüsal Mirzəyevin sözlərinə görə, qardaşı 2014-cü ildə qazanc məqsədilə Almaniyaya gedib. Hər hansı siyasi partiyanın üzvü olmadan siyasi mühacirlərin etiraz aksiyalarında fəal iştirak edib və "Demokratik Azərbaycanı seç" təşkilatına daxil olub. O, Azərbaycandakı siyasi məhbusların azad edilməsi tələbilə keçirilən aksiyalarda iştirak edib.
Noyabrın 24-də Mirzəyev ailəsilə birlikdə Bakıya deportasiya olunub. Vəkil Nemət Kərimli Turan-a bildirib ki, yanvarın 31-də o, Mirzəyevin hüquqlarının müdafiəsinə qoşulub və apellyasiya şikayəti verib.
Polisin məlumatına görə, Cəfər Mirzəyevdən 12 qram heroin və 4 qram narkotik tərkibli dərman aşkar edilib. Mirzəyevi 5 ildən 12 ilədək azadlıqdan məhrum olunma təhlükəsi gözləyir.
Öz növbəsində Azərbaycan Xalq Cəbhəsi Partiyası həmin partiyanın üzvü Pünhan Kərimlinin 234.4.3-cü maddə ilə həbs edildiyini bildirib. O da bir neçə ay öncə Almaniyadan deportasiya olunub və yanvarın 25-də Bakıda metronun "Nərimanov" stansiyasının yaxınlığında saxlanılıb.
Azərbaycan Xalq Cəbhəsi Partiyasında qeyd ediblər ki, Kərimli Avropada azərbaycanlı siyasi mühacirlərin keçirdiyi etiraz aksiyalarının fəal iştirakçısı olub.
Sözügedən şəxslərlə bağlı Daxili İşlər Nazirliyinin mətbuat xidmətindən şərh almaq mümkün olmayıb.
Qeyd edək ki, Almaniyadan deportasiya olunmuş fəallar Malik Rzayev və Mütəllim Orucov da 2021-ci ilin oktyabrında narkotik maddələrin qanunsuz dövriyyəsində ittiham olunaraq həbs ediliblər. - 021B06-
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz