Photo TURAN.
Almaniyadan deportasiya olunmuş siyasi mühacirlərin qohumlarının növbəti etiraz aksiyası
Bakı/28.06.22/Turan: Almaniyadan deportasiya edildikdən sonra həbs edilmiş siyasi mühacirlərin iki ailə üzvü iyunun 28-i Azərbaycan Baş Prokurorluğu qarşısında etiraz aksiyası keçirib.
Həbsdə olan siyasi mühacir Pünhan Kərimlinin atası Vahid Kərimov oğlunun təqsirsiz olduğunu bildirib. "Oğlumun heç bir günahı olmadığı halda, sadəcə müxalif Azərbaycan Xalq Cəbhəsi Partiyasının (AXCP) üzvü olduğu və Almaniyada bir çox aksiyalarda iştirak etdiyi üçün narkotiklə şərlənib", deyə o bildirib.
Həbs edilmiş digər siyasi mühacir Samir Aşurovun yoldaşı Nuranə Aşurova da bildiirb ki, həyat yoldaşı Almaniyada aksiyalarda fəal iştirak edib. "O, deport olunduqdan sonra adam bıçaqlama ilə şərlədilər", deyə Aşurova bildirib.
Aksiya iştirakçıları baş prokuror Kamran Əliyevlə görüşmək istəyiblər. Amma onların qarşısına çıxan prokurorluq nümayəndəsi baş prokurorun Bakıda olmadığını, buna görə görüşün mümkün olmadığını bildirib.
Xatırladaq ki, son doqquz ayda Azərbaycanda Almaniyadan deportasiya olunan ən az beş ictimai-siyasi fəal həbs edilib.
Malik Rzayev, Mütəllim Orucov, Pünhan Kərimli və Cəfər Mirzəyev narkotik ticarətində, Aşurov isə zərərçəkmişə bədən xəsarətləri yetirməkdə ittiham olunub.
Azərbaycan və Avropa İttifaqı 2014-cü ilin fevralında icazəsiz yaşayan şəxslərin deportasiyası haqqında saziş imzalayıblar. 0
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Gürcüstan hakimiyyəti Qərbdən uzaqlaşmaq yolunu tutub? – Samirə Bayramova Çətin sualda
Audio xəbər
Xəbər lenti
-
- Siyasət,
- 11:22
- 106
Rəy yaz