Pünhan Kərimli
Bakı/25.05.22/Turan: Çərşənbə günü Bakı Ağır Cinayətlər Məhkəməsində böyük ölçüdə narkotik vasitələrin qanunsuz dövriyyəsində ittiham olunan Azərbaycan Xalq Cəbhəsi Partiyasının (AXCP) fəalı Pünhan Kərimlinin işi üzrə hazırlıq iclası keçirilib.
O, bu ilin yanvarında, Almaniyadan readmissiya olunduqdan ay yarım sonra həbs edilib. Almaniyada ona siyasi sığınacaq verməkdən imtina ediblər.
Kərimli bildirib ki, siyasi motivlərlə, Azərbaycanda insan hüquqlarının pozulmasına etiraz əlaməti olaraq Almaniyada keçirilən aksiyalarda iştiraka görə təqib edilir.
Bu gün hüquq müdafiəçiləri və jurnalistlər prosesə buraxılmayıb.
Məhkəməyə yalnız fəalın atası Vahid Kərimov buraxılıb. O, oğlunun uydurma ittihamla həbs edildiyini bildirib.
Prosesdə vəkil Cavad Cavadov bəraətverici əsaslarla cinayət icraatının dayandırılması haqqında vəsatət qaldırıb, vəsatət təmin edilmədiyi təqdirdə isə qətimkan tədbirinin ev dustaqlığı ilə dəyişdirilməsini xahiş edib.
Amma məhkəmə hər iki vəsatəti təmin etməyib və mahiyyəti üzrə dinləmələri iyunun 1-nə təyin edib. Hüquq müdafiəçiləri Kərimlini siyasi məhbus kimi tanıyıblar. O, ötən ilin oktyabrından etibarən Almaniyadan readmissiya edildikdən sonra həbs edilmiş beş fəaldan biridir. -06В-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz