Bakı/02.11.18/Turan: Bu il oktyabrın 31-də Dövlət Sərhəd Xidməti (DSX) əməkdaşları Nizami Bayramov adlı şəxsi saxlayıblar. Bu barədə Xidmətin noyabrın 2-də yaydığı məlumatda deyilir.
"N.Bayramov Azərbaycan Baş Prokuroru yanında Korrupsiyaya qarşı Mübarizə Baş İdarəsi tərəfindən AR Cinayət Məcəlləsinin 179.3.1-ci və (Mənimsəmə və ya israf etmə, mütəşəkkil dəstə tərəfindən törədildikdə) və 179.3.2-ci (Mənimsəmə və ya israf etmə külli miqdarda törədildikdə) maddələri ilə təqsirli bilinən, barəsində məhkəmə qərarı ilə həbs qətimkan tədbiri seçilmiş və axtarışda olan "AMAY" MMC tərəfindən İranda təsis edilmiş "Azər Caspian İran" şirkətinə məxsus müəssisələrə rəhbərlik edən şəxsdir", DSX-nin məlumatında belə deyilir.
Məlumata görə, N.Bayramov İran tərəfdən Azərbaycanın Yardımlı rayonuna keçmək istəyərkən saxlanılıb.
Məlumatda deyilir ki, N.Bayramovun üzərinə baxış keçirilərkən 20 qram tiryək, "Nokia" markalı mobil telefon, 150 ABŞ dolları və 100 manat pul aşkarlanıb.
Məlumatda vurğulanır ki, saxlanılan şəxsə həmin əməllərinə görə AR CM-nin 318.1-ci, (dövlət sərhədini qanunsuz pozma), 206.2-ci (qaçaqmalçılıq) və 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) maddələri üzrə ittiham elan edilib.
AMAY şirkətlər qrupundan xəbərə münasibət bildirərək, Nizami Bayramovunun hər hansı şəkildə AMAY-la əlaqəsi olmasını təkzib ediblər və bu şəxsin AMAY aidiyyatı olmadığını bildiriblər. -0-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz