Bakı/26.03.19/Turan: "Diqlas Ticarət Mərkəzində yanğın nəticəsində iş yerlərini itirmiş iş adamlarına yeni ticarət mərkəzi tikilib istifadəyə verilənədək və onlar yeni mərkəzdə iş yerləri ilə təmin edilənədək AMAY ticarət mərkəzində bir il icarə haqqı ödəmədən yerlər götürməyi təklif edirəm". Bu bəyanatla AMAY Şirkətlər Qrupunun qurucusu, iş adamı Abdulla Abdullayev martın 26-da "Diqlas" Ticarət Mərkəzində baş vermiş yanğınla bağlı burada fəaliyyət gösrərən iş adamlarına müraciət edib.
A.Abdullayev bildirib ki, yanğın nəticəsində iş adamlarının ağır duruma düşmələri ciddi narahatlığına səbəb olub.
"Mən iş adamlarının düşmüş olduqaları durumu anlayır və onları yaxşı başa düşürəm. Bu vəziyyətdə həm iş adamlarının vəziyyətini, həm cənab prezident İlham Əliyevin iş adamlarına daim dəstək verməsini nəzərə alaraq, bu addımı atıram", deyə o qeyd edib.
Marıtn 26-da "Diqlas" Ticarət Mərkəzində güclü yanğın baş verib. Yanğın nəticəsində yüzlərlə sahibkarın obyektləri yanıb. Dəyən ziyanın miqdarı milyonlarla manat hesablanır. -0-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz