Məhəmməd İmanlı
Bakı/16.02.21/Turan: Fevralın 16-da Bakı Apellyasiya Məhkəməsi Xalq Cəbhəsi Partiyasının fəalı Məhəmməd İmanlının şikayətini təmin etməyib. Koronavirus infeksiyasının yayılmasına görə 1 il müddətinə azadlıqdan məhrumetmə barədə birinci instansiya məhkəməsinin hökmü qüvvədə qalıb.
M.İmanlı 14-15 iyul 2020-ci il tarixlərində orduya dəstək məqsədilə keçirilən nümayişdə iştirak etdikdən sonra saxlanılıb. Ona qarşı CM-in 139-1-ci (epidemioloji, sanitariya-gigiyena və karantin rejimlərinin pozulması) maddəsilə cinayət işi başlanıb. Sabunçu Rayon Məhkəməsi onu 1 il müddətinə azadlıqdan məhrum edib.
M.İmanlı ittihamı rədd edir və həbsini müxalifətyönlü fəaliyyəti ilə əlaqələndirir. O deyib ki, saxlanmadan öncə koronavirus infeksiyasına yoluxmayıb və COVİD-19 daşıyıcısı olması barədə heç bir sübut təqdim edilməyib.
Apellyasiya Məhkəməsinin qərarından Ali Məhkəməyə kassasiya şikayəti veriləcək, bu barədə vəkil Əsabəli Mustafayev bildirib.
Müdafiə tərəfi artıq həbs qətimkan tədbirinin seçilməsi ilə bağlı Avropa İnsan Hüquqları Məhkəməsinə şikayət göndərib.
Məhəmməd İmanlı hüquq müdafiəçiləri tərəfindən siyasi məhbus kimi tanınıb. –16D06-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz