Bakı/17.03.18/Turan: Martın 16-da Bakı Apellyasiya Məhkəməsi Azərbaycan Xalq Cəbhəsi Partiyasının (AXCP) altı üzvünün barəsində 15 sutkadan 20 sutkaya qədər inzibati həbslə bağlı şikayəti təmin etməyib. Onlar martın 10-da Bakıda müxalifətin mitinqi ərəfəsində saxlanılıblar.
Xatırladaq ki, partiya Rəyasət Heyətinin üzvləri Aqil Məhərrəmli, Xətai şöbəsinin üzvü Tahir Ağayev, Binəqədi şöbəsinin sədr müavini Yalçın Abdullayev və həmin şöbənin fəalı Hikmət Əliyev 15 sutka həbs ediliblər.
Xətai şöbəsinin sədr müavini Faiq Nağıyev və Binəqədi şöbəsinin fəalı Bəşir Tarıverdiyev 20 sutka alıblar.
Vəkil Əsabəli Mustafayev Turan-a bildirib ki, həbs olunanların hamısı inzibati xəta törətməkdə - polisə tabe olmamaqda təqsirli biliniblər.
Vəkilin sözlərinə görə, əslində onlar özləri çağırış əsasında polisə gediblər, ancaq rəsmi çağırış vərəqəsi olmayıb.
Vəkil deyib ki, öncə fəalları polisə martın 4-5-də çağırıblar. Sonra martın 6-7-də yenidən çağırıblar və məhkəmə qərarları ilə həbs ediblər. Odur ki, polisə tabe olmamaqdan söhbət gedə bilməz.
Apellyasiya Məhkəməsi polis şöbəsində müşahidə kamerasındakı qeydlərə baxılması ilə bağlı müdafiə tərəfinin vəsatətini təmin etməyib.
Vəkil bildirib ki, irəlidə Avropa İnsan Hüquqları Məhkəməsinə şikayət veriləcək.-06D--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz