Açiq mənbələrdən foto.
Apellyasiya Məhkəməsi AXCP üzvü Elxan Əliyevi həbsdə saxlayıb
Bakı/08.04.23/Turan: Bu gün Bakı Apellyasiya Məhkəməsi (BAM) Azərbaycan Xalq Cəbhəsi Partiyasının (AXCP) üzvü Elxan Əliyevin həbsindən verilən apellyasiya şikayətinə baxaraq, onu təmin etməyib.
Bu barədə Turan-a onun vəkili Nemət Kərimli məlumat verib.
“Elxan Əliyevin dələduzluqda və sənədləri saxtalaşdırmaqda ittiham olunmasına baxmayaraq, onun əməllərində bu cinayətlərin heç bir əlaməti yoxdur. İttihamda torpaq alqı-satqısından söhbət gedir. Alqı-satqı prosesi də başa çatmayıb”, – vəkil bildirib.
Əgər torpağın sənədləri hətta saxtalaşdırılıbsa, o zaman Əliyevin bununla heç bir əlaqəsi olmayıb, çünki o, sadəcə vasitəçi olub və saxtakarlıqdan xəbəri olmayıb, deyə müdafiə tərəfi hesab edir.
Əliyev ittihamı rədd edir və hesab edir ki, o, siyasi motivlərlə təqib olunur.
“Həbsdən əvvəl o, video yayıb və ona qarşı mümkün təxribat barədə məlumat verib. Bu gün isə o, məhkəmədə ona qarşı təxribat törədildiyini və bunun onun siyasi fəaliyyəti ilə bağlı olduğunu bildirib”, – vəkil bildirib.
Əliyev son vaxtlar partiya işləri ilə bağlı tez-tez rayonlara gedib, AXCP üzvlərinin yenidən qeydiyyatdan keçmək üçün siyahılarını hazırlayırdı. AXCP-dən bildiriblər ki, ona bu “fəaliyyətin” “nəticələri” olacağı barədə xəbərdarlıq edilib.
AXCP sədri Əli Kərimli fəalın həbsini pisləyib.
“Elxana bəyə qarşı itttiham qəddarlığın və insafsızlığın bariz nümunəsidir. Elxan Əliyevin həbsi təkcə qanunsuzluq,s iyasi sifasriş deyil, birbaşa cinayətdir. Elxan bəy imkan tapıb, bir video çəkib dostlarına göndərmişdi ki, onun həbsi üçün plan var. O demişdi ki, plana görə onu hansısa saxta bir işə cəlb etmək istəyirlər. O bu işdə istifadə olunacaq adamən adını da demişdi. Burada təkcə qasnunusuz, şərlənərək həbs edilməkdən yox, Elxan bəyə qarşı cinayətin törədilməsindən söhbət gedir”, deyə Kərimli bildirib.
O, hesab edir ki, hakimiyyət “əsl müxalifəti sıradan çıxarmaq” üçün AXCP-yə təzyiqlərini davam etdirir.
“Ancaq bu cür həbslər bizi əzməyə bilməz. İndiyə qədər belə həbslər çox olub, amma biz hələ də ayaq üstə dayanırıq. Mübarizəmiz davam edəcək”, - deyə Kərimli bildirib.
Elxan Əliyev iyulun 26-da günorta saatlarında Bakı şəhəri Sabunçu Rayon Polis İdarəsinin əməkdaşları tərəfindən saxlanılıb.
Daxili İşlər Nazirliyinin mətbuat xidmətindən verilən məlumata görə, İ.Əliyevlə yanaşı daha iki nəfər - Yusif Əliyev və Vəfadar Axundov da saxlanılıb.
Daxili İşlər Nazirliyinin versiyasına görə, hər üç şəxs Nardaran kəndindəki torpaq sahəsini saxta sənədlərlə satmaqda şübhəli bilinir. Onlara üç maddə - 178.3.2 (dələduzluq, külli miqdarda ziyan vurmaqla törədildikdə), 320.1 (hüquq verən rəsmi sənədi istifadə etmək məqsədi ilə qanunsuz hazırlama) və 320.2-ci (bilə-bilə saxta sənədlərdən istifadə etmə) maddələri ilə torpaq alıcısı olan bir vətəndaşın tələbi ilə cinayət işi başlanılıb.
Həbsdən əvvəl Əliyev ona qarşı mümkün təxribat olduğunu açıqladığı videonu yayıb. İyulun 27-də Sabunçu Rayon Məhkəməsi Əliyev barəsində 3 ay müddətinə həbs qətimkan tədbiri seçib. 06B
-
- Cəmiyyət
- 4 Avqust 2023 15:57
Cəmiyyət
-
Keçmiş diplomat, fəal Emin İbrahimovun saxlanıldığı bildirilir.
-
Paytaxtın Suraxanı rayonunda azyaşlını girov götürüb, öldürəcəyi ilə hədələyən şəxs zərərsizləşdirilib.
-
Bu gün Azərbaycan mətbuatı 149 illiyini qeyd edir. 1875-ci ilin 22 iyul tarixində Həsən bəy Zərdabinin böyük səyi nəticəsində Azərbaycan jurnalistikasının bayraqdarı, anadilli ilk mətbu orqan olan “Əkinçi” qəzeti nəşrə başlayıb.
-
İyulun 19-da Dövlət Sərhəd Xidmətinin Sahil Mühafizəsinin sahil nəzarəti bölmələri və sərhəd gəmisinin qarşılıqlı fəaliyyəti nəticəsində ümumilikdə 26 kiloqram 325 qram narkotik vasitə (24 kiloqram 835 qram marixuana, 1 kiloqram 490 qram tiryək), 2500 ədəd metadon M-40 həbi, 660 ədəd preqabalin 150 kapsulu, 40 qutu Marlboro, 10 qutu Milano siqaretləri və 5 ədəd TİTAN siqarının Xəzər dənizi vasitəsilə qeyri-qanuni yolla Azərbaycan ərazisinə keçirilməsinin qarşısı alınıb.
Rəy yaz