Media icmalı-04.08.2023

Ölkədə Bakıda azyaşlının şiddətə məruz qalması, Azərbaycan və Ermənistan arasında olan münasibətlər, neftin qiyməti, Ermənistanın humanitar yardımdan istifadəsi bu gün(04.08.2023) üçün əsas müzakirə olunan mövzulardan olub.

Anews.az saytında yayımlanan “Bakıda azyaşlı uşaq mağazanın qarşısında şiddətə məruz qalıb” sərlövhəli yazıda Bakıda uşaqların azyaşlını mağaza qarşısında döyməsindən yazılıb. Bu videonun ilk öncə sosial şəbəkələrdə yayıldığı qeyd olunub.

"Sosial şəbəkələrdə azyaşlılar arasında zorakılığı əks etdirən görüntülərlə bağlı araşdırma aparılıb. Polis əməkdaşları tərəfindən Xətai rayonu Əhmədov küçəsində baş vermiş hadisə üzrə əməli törədən azyaşlılar müəyyən olunublar. Zorakılığa məruz qalan uşaqla bağlı ekspertiza təyin edilib. Ekspertiza rəyindən asılı olaraq əmələ hüquqi qiymət veriləcək". -deyə Daxili İşlər Nazirliyindən bildirilib.

BBC azərbaycan saytında yayımlanan "Vəziyyət belə davam edərsə, Azərbaycan rus sülhməramlılarını çıxara biləcək", Şücaət Əhmədzadə” sərlövhəli video materialda Şücaət Əhmədzadə ilə Laçın dəhlizi və Ağdam yolundan Ermənistan vətəndaşlarının istifadəsi və sülhməramlıların hazırdakı rolu müzakirə olunub.

Şücaət Əhmədzadə Ermənistandandan gələn humanitar yardımlara maneələrin qoyulması, mülki əhalinin sərbəst gediş – gəlişinin olması ilə bağlı fikirlərini qeyd edib. Video materialda hazırda Qarabağda olan şərait və burda rolu olan qüvvələrdən danışılıb. Azərbaycan Ağdam yolunun legitimləşməsini istəyir.

525-ci qəzet saytında yayımlanan “Azərbaycan neftinin qiyməti 89 dollara yaxınlaşır” sərlövhəli yazıda  neftin hazırki qiyməti ötən illərlə müqayisə olunub.  “Brent” markalı neftin oktyabr fyuçersləri 85,28 ABŞ dollarına satıldığı qeyd olunub.

Müəllif qeyd edir ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Əlavə olaraq Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 25 % olduğu vurğulanıb.

Yaşar Əliyev: Ermənistan humanitar yardım məsələsindən öz pisniyyətli məqsədləri üçün sui-istifadə edir sərlövhəli yazıda Azərbaycanın BMT yanında Daimi Nümayəndəsi Yaşar Əliyev BMT Təhlükəsizlik Şurasında “Aclıq və münaqişələrin səbəb olduğu ərzaq problemi” mövzusunda açıq debatda çıxışından olan məqamlar qeyd olunub.

 “Azərbaycan Ermənistanın humanitar yardım məsələsindən öz pisniyyətli məqsədləri üçün sui-istifadə etmək üzrə ardıcıl səylərini qınayır. Laçın sərhəd-keçid məntəqəsinin yaradılması hər hansı digər dövlətin öz sərhədlərinin təhlükəsizliyini və mühafizəsini təmin etmək, yolboyu insanların, nəqliyyat vasitələrinin və yüklərin hərəkətinin təhlükəsizliyini təmin etmək hüququ kimi Azərbaycanın danılmaz suveren hüququdur”, - o qeyd edib.

Sosial media

Azadlıqradiosu

8 milyardlıq zərər: "Azərsu" ədalətli su bölgüsü apara bilmir? – Video materialda Azərbaycanda insanların şirin su ehtiyaclarının qarşılanmaması və bəzi bölgələrdə isə suyun keyfiyyətsizliyinə diqqət çəkilib. Video materialda ekoloq Telman Zeynalov bu haqda fikirlərini bildirib. Müəllif mütəxəssislərin  ədalətli su bölgüsünün olmamasından, anbar və bəndlərin tikilməməsindən şikayətlənib.

ABŞ-ın  Qafqaz danışıqlar üzrə müşaviri Bakıdadır.- yazıda müəllif Azərbaycan-Ermənistan arasında sülh prosesi, bölgədə cari vəziyyət, danışıqların indiki vəziyyəti və perspektivləri müzakirə olunduğunu qeyd edib. Bu gün, avqustun 3-də Azərbaycan xarici işlər naziri Ceyhun Bayramov Bakıda səfərdə olan Amerika Birləşmiş Ştatları (ABŞ) Dövlət Departamentinin Qafqaz danışıqları üzrə baş müşaviri Lui Bononu qəbul edib.

“Dedilər ki, Buradakına razılaşmasan, evindən narkotik çıxacaq, ailəni bura gətirəcəyik”.- Yazıda Bəxtiyar İsadzadənin tutulma səbəblərindən danışılıb. Bəsxtiyar İsadzadə isə ona qarşı olan ittihamları təkzib edib. “Onun sözlərinə görə, həbsdə vəfat edən Azərbaycan İslam Partiyasının (AİP) üzvü Səbuhi Səlimovun yas mərasimində iştirakına görə şərlənərək cəzalandırılıb. Bəxtiyar İsazadə bu barədə öz məhkəməsində danışıb”.

MeydanTV

Moskva Bakı və Yeravanın sülh sazişinə  hazır olmadığını deyir. – Yazıda Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar SİTA-ya müsahibəsində qeyd etdiyi fikirlərdən danışılıb.

Azərbaycan və Türkiyə LGBTQ+ hüquqlarına ən az hörmət edən ölkələrdir.- Yazıda LGBTQ+ hüquqlarının ölkələr üzrə qorunması ilə bağlı statistika haqqında məlumat verilib. Müəllif  Beynəlxalq Lezbiyan, Gey, Biseksual, Trans və İnterseks Assosiasiyası (ILGA) Avropada LGBTQ+ hüquqlarının qorunması ilə bağlı təqdim etdiyi növbəti indeksinə əsasən məlumat yazıb.  Müəllif siyahıda Azərbaycanın sonuncu 49-cu pillədə qərarlaşması  Türkiyə isə 48-ci yerə layiq görüldüyünü vurğulayıb.