Açiq mənbələrdən foto.
Apellyasiya Məhkəməsi Azərbaycan Xalq Cəbhəsi Partiyasının fəalını inzibati həbsdə saxlayıb
Bakı/04.02.23/Turan: Fevralın 3-də Bakı Apellyasiya Məhkəməsi Azərbaycan Xalq Cəbhəsi Partiyasının fəalı Anar Hüseynovun 30 sutka inzibati həbsilə bağlı şikayətini təmin etməyib.
O, yanvarın 20-də Şəhidlər Xiyabanına yürüşdə iştirak etdikdən sonra saxlanılıb. Həmin gün Səbail Rayon Məhkəməsi onu Azərbaycan İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmamaq) maddələrilə təqsirli bilib.
Hüseynovun vəkili Nemət Kərimli Turan-ın müxbirilə söhbətində bildirib ki, Hüseynov ona qarşı irəli sürülən inzibati xətaları qəbul etməyib.
Eyni zamanda, Vəkil Hüseynovun saxlandıqdan sonra və birinci instansiya məhkəməsində proses zamanı hüquqlarının pozulduğunu bildirib.
Belə ki, saxlanıldıqdan sonra Hüseynova yaxınları ilə əlaqə yaratmağa icazə verilməyib, hətta onu dövlət hesabına təyin edilmiş vəkil olmadan mühakimə ediblər.
Kərimli qeyd edib ki, ə Apellyasiya Məhkəməsi inzibati işlər üzrə apellyasiya şikayətinin son instansiyası sayılır.
Perspektivdə Hüseynovun həbsindən Avropa İnsan Hüquqları Məhkəməsinə şikayət göndəriləcək.
Qeyd edək ki, yanvarın 22-də Azərbaycan Xalq Cəbhəsi Partiyasının digər fəalı Rövşən Səfərov da saxlanılıb və 30 sutka həbs edilib. O yanvarın 20-də yürüşdə iştirak edib.
"Yanvarın 20-də biz matəm günündə mütəşəkkil şəkildə Şəhidlər Xiyabanını ziyarət etmək niyyətində idik. Amma polis yolumuzu kəsdi. Bizi çox gözləməyə məcbur etdi. Sonra bizim kolonu bir neçə hissəyə bölərək kiçik qruplarla Şəhidlər Xiyabanına buraxmağa başladılar. Bunu ona görə edirdilər ki, bizim iştirakımız kütləvi görünməsin ", - Azərbaycan Xalq Cəbhəsi Partiyasının lideri Əli Kərimli bundan öncə öz Facebook səhifəsində yazıb.
20 yanvar yürüşündə iştirakdan sonra "Müsəlman Birliyi" Hərəkatının 6 fəalı da inzibati qaydada həbs edilib.
Daxili İşlər Nazirliyinin mətbuat xidməti polisin ünvanına tənqidi qəbul etməyib.
"Sıxlıq yaranmaması üçün ziyarətçilər növbə ilə Şəhidlər Xiyabanına buraxıldı. Siyasi mənsubiyyətə görə ziyarətçilər arasında heç bir fərq qoymadıq. Təəssüf ki, bəzi şəxslər növbəlilik prinsipini pozmağa çalışıblar və müxtəlif iddialar səsləndiriblər", - qurumdan Turan-a bildirilib.
Azərbaycan Xalq Cəbhəsi Partiyası və "Müsəlman Birliyi" Hərəkatının fəallarının həbslərinə gəlincə, Daxili İşlər Nazirliyinin nümayəndəsinin fikrincə, onlar "konkret inzibati xətaların törədilməsinə" görə məsuliyyətə cəlb ediliblər. 06B
-
- Siyasət
- 4 Fevral 2023 11:01
Cəmiyyət
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
-
Sentyabrın 27-də paytaxtda hava dəyişkən olacaq. Gecə bəzi yerlərdə yağış yağa bilər. Şimal-şərq küləyi əsəcək.
-
Azərbaycanla Ermənistan delimitasiya və sərhəd təhlükəsizliyi məsələləri üzrə komissiyaların birgə fəaliyyəti haqqında Əsasnaməni avqust ayında razılaşdırıb. Sentyabrın 24-də isə Ermənistan Konstitusiya Məhkəməsi sənədin onların Konstitusiyasına uyğun olub-olmadığını müzakirə edəcəyini açıqlayıb.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 512
Rəy yaz