Photo TURAN.
Bakı/15.12.22/Turan: Cümə axşamı Bakı Apellyasiya Məhkəməsi ictimai fəal Bəxtiyar Hacıyevin şikayətini təmin etməyərək, onu həbsdə saxlayıb.
Məhkəmə iclasında Hacıyev bildirib ki, ona qarşı irəli sürülmüş xuliqanlıq və məhkəməyə hörmətsizlik ittihamları saxta və yalandır.
Fəal qeyd edib ki, bu gün səhərdən etibarən aclıq elan edib və azad olunana qədər aclığı davam etdirmək niyyətindədir.
Hüquq müdafiəçisi Rüfət Səfərovun Turan-a verdiyi məlumata görə, Hacıyev həmçinin ona qarşı təxribat hazırlandığını bildirib.
Xatırladaq ki, dekabrın 9-da Bakının Xətai rayon məhkəməsi Bəxtiyar Hacıyevi 1 ay 20 gün istintaq müddətinə həbs edib. Fəal xuliqanlıqda və məhkəməyə hörmətsizlikdə ittiham olunub. O, 1,5 ilə qədər azadlıqdan məhrum edilə bilər.
ABŞ Dövlət Departamenti, Aİ, beynəlxalq hüquq müdafiə təşkilatları Hacıyevi azad etməyə çağırıblar. 03В06
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz