Apellyasiya Məhkəməsi bloger Namiq Sadıqlını həbsdə saxlayıb
Bakı/20.12.17/Turan: Dekabrın 19-da Bakı Apellyasiya Məhkəməsi Azərbaycan Xalq Cəbhəsi Partiyasının (AXCP) fəalı, bloger Namiq Sadıqlının şikayətini təmin etməyib, onun inzibati qaydada 30 gün müddətinə həbs edilməsi barədə qərarı qüvvədə saxlayıb.
O, noyabrın 30-da saxlanılıb. Dekabrın 1-də məhkəmənin qərarı ilə Azərbaycan İnzibati Xətalar Məcəlləsinin 535.1-ci (polis nümayəndəsinin qanuni tələblərinə tabe olmama) maddəsi ilə 30 gün müddətinə həbs edilib.
Sadıqlının həbsindən verdiyi apellyasiya şikayətinə baxılması əsassız və qanunsuz olaraq 12 gün uzadılıb, bu barədə Turan-a vəkil Əsabəli Mustafayev bildirib.
Yalnız dekabrın 18-də vəkilin ombudsmana müraciətindən sonra növbəti gün Bakı Apellyasiya Məhkəməsi şikayətə baxıb.
Bu zaman prosesin uzadılması şikayətin birinci instansiya məhkəməsindən dekabrın 19-da daxil olması ilə əsaslandırılıb.
Onun sözlərinə görə, təhqiqat formal xarakterli olub.
"Biz bir sıra vəsatətlər qaldırdıq. Xüsusən, əlavə şahidlərin dindirilməsini, Sadıqlının kirayə mənzil tutduğu binanın videomüşahidə kameralarına baxılmasını xahiş etdik. Polis onun özünü "şübhəli apardığını, sənədlərini tələb etdikdə isə tabe olmadığını" iddia edir. Amma belə bir şeyin olmadığını təsdiq edə biləcək şahidlər var. Əslində polis əməkdaşları bina komendantından Sadıqlının yanına çıxıb aşağı enməsini istəməyi tələb ediblər, əks halda onu ailə üzvlərinin gözü qarşısında birbaşa evindən götürəcəklərini deyiblər. Amma məhkəmə əlavə şahidlərin dindirilməsindən imtina edib", deyə vəkil bildirib.
Müdafiə tərəfi apellyasiya şikayətində həmçinin blogerin Avropa İnsan Hüquqları Konvensiyasının 5-ci (azadlıq hüququ), 6-cı (ədalətli məhkəmə təhqiqatı hüququ), 10-cu (ifadə azadlığı), 14-cü (ayrı-seçkiliyin qadağan edilməsi) və 18-ci (hüquqların məhdudlaşdırılması hüdudları) maddələrində nəzərdə tutulan hüquqlarının pozulması məsələsini qaldırıb. Amma məhkəmə vəsatəti və şikayətin özünü təmin etməyib.
Vəkil qeyd edib ki, müdafiə tərəfi Avropa İnsan Hüquqları Məhkəməsinə şikayət hazırlayacaq. -06D-
-
- Maliyyə
- 20 Dekabr 2017 12:26
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz