Açiq mənbələrdən foto.
Apellyasiya Məhkəməsi İlham Hüseyn və Rüstəm İsmayılbəylini həbsdə saxlayıb
Bakı/11.12.21/Turan: Dekabrın 10-da Bakı Apellyasiya Məhkəməsi iki müxalifətçi fəalın-İlham Hüseyn və Rüstəm İsmayılbəylinin inzibati həbsindən şikayətlərə baxıb.
Dekabrın 1-də Azərbaycan Xalq Cəbhəsi Partiyası Rəyasət Heyətinin üzvü İlham Hüseynov və gənc fəal Rüstəm İsmayılbəyli uzun müddət həbsdə aclıq edən Saleh Rüstəmlinin müdafiəsinə yönəlmiş aksiya ilə əlaqədar saxlanılıblar. Dekabrın 2-də Səbayel Rayon Məhkəməsi onların hər birini sosial məsafəni pozmaqda ittiham edərək 30 gün inzibati həbs cəzasına məhkum edib.
Apellyasiya Məhkəməsi hər iki fəalın şikayətini təmin etməyib, onları həbsdə saxlayıb. Bu barədə "Müdafiə xətti" qeyri-hökumət təşkilatının məlumatında deyilir.
Təşkilat hər iki fəalın təqib edilməsinin qanunsuz olduğunu qeyd edir və xatırladır ki, dekabrın 1-də 50 nəfər saxlanılıb, onlardan bəzisi işgəncəyə məruz qalıb.
Hər iki fəalın müdafiə tərəfi perspektivdə onların hüquqlarının pozulmasının tanınmasına nail olmaq məqsədilə Avropa məhkəməsinə müraciət edəcək.
"Müdafiə xətti" diqqəti ona yönəldir ki, İsmayılbəylinin 30 sutka həbsi onu ali məktəbi bitirmək imkanından məhrum edir, çünki dekabr təhsilin sonuncu ayıdır və o, dərs buraxarsa, imtahanlara buraxılmayacaq və diplom almayacaq.
Aksiya ilə əlaqədar dekabrın 1-də daha 3 nəfər inzibati qaydada həbs edilib. 06В-
-
- Analitika
- 11 Dekabr 2021 15:34
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz