Zamin Salayev
Bakı/13.07.23/Turan: Bu gün Bakı Apellyasiya Məhkəməsində Azərbaycan Xalq Cəbhəsi Partiyasının fəalı Zamin Salayevin apellyasiya şikayətinə baxılması başa çatıb.
Vəkil Nemət Kərimlinin jurnalistlərə verdiyi məlumata görə, müdafiə tərəfi iş üzrə cəlb edilmiş, birinci instansiya məhkəməsində dindirilməyən şahidlərin çağırılması və apellyasiya instansiyasında dindirilməsi haqqında vəsatət qaldırıb.
"Apellyasiya Məhkəməsi birinci instansiya məhkəməsinin səhvlərini və nöqsanlarını aradan qaldırmalıdır. Təəssüf ki, bu, baş verməyib və hökm dəyişdirilmədən qüvvədə saxlanılıb", deyə vəkil bildirib.
O qeyd edib ki, Salayev özü məhkəmədə çıxış edib və ittihamları qəbul etməyib.
Vəkilin sözlərinə görə, Salayev cinayət işinin siyasi motivlərlə saxtalaşdırıldığını bildirib.
Vəkil qeyd edib ki, Salayev iyulun 10-dan etibarən həbsdən azad edilməsi tələbi ilə aclığı bərpa edib.
Müdafiə tərəfi Apellyasiya Məhkəməsinin qərarından Ali Məhkəməyə kassasiya şikayəti vermək niyyətindədir.
* Zamin Salayev fevralın 7-də saxlanılıb, növbəti gün Qaradağ Rayon Məhkəməsi onu silahdan istifadə etməklə xuliqanlıq törətmək ittihamı ilə həbs edib (CM-in 221.3-cü maddəsi). Salayev saxlanıldığı andan etibarən azad edilməsi tələbi ilə aclıq elan edib. Mayın 22-də məhkəmə onu 4 il müddətinə azadlıqdan məhrumetmə cəzasına məhkum edib. O, apellyasiya məhkəməsinin şikayətinə ədalətli baxacağına dair təminat verildikdən sonra iyunun 1-də, aksiyanın 115-ci günündə aclığı dayandırıb.
ABŞ-ın Bakıdakı səfirliyi hakimiyyəti Salayevi və digər siyasi məhbusları azad etməyə çağırıb. 21B06
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz