![Söyüdlüdəki gölün insan orqanizminə sağlamlıq baxımından təsiri yoxdur? Nazirin dediklərinə ekoloqların cavabı Çətin sualda](https://turan.az/resized/media/2023/main/071300043005-750-500-resize.webp)
Söyüdlüdəki gölün insan orqanizminə sağlamlıq baxımından təsiri yoxdur? Nazirin dediklərinə ekoloqların cavabı Çətin sualda
Bakı/13.07.23/Turan: Ekologiya və təbii sərvətlər naziri Muxtar Babayev ötən gün Söyüdlü hadisəsi ilə bağlı keçirdiyi brifinqdə ziddiyyətli açıqlamalar verib. Nazir çıxışının əvvəlində deyib ki, Gədəbəyin Söyüdlü kəndində hər şey norma daxilindədir:
“Gədəbəyin Söyüdlü kəndində çirkləndirici maddələrin çox olması ilə bağlı narahatlıq vardı. İlk gün aparılan hava keyfiyyətinin nəticələrinə görə təhlükəli maddələrin normadan artıq olmadığı məlum olub. Yəni hər şey norma daxilindədir”.
Onun sözlərinə görə, yerli sakinlər arasında tibbi müayinələr aparılıb.
"Müayinədən imtina edənlər oldu. Xəstəxana şəraitində müayinə edilənlər oldu. Səhiyyə Nazirliyinin məlumatına görə, sağlamlıq baxımından sakinlərin orqanizminə ciddi təsir yoxdur", - Babayev bildirib.
Bundan əlavə, nazirin sözlərinə görə, Söyüdlüdə xəstəlik səviyyəsi Gədəbəy rayonu üzrə orta statistik göstəricidən aşağıdır.
"Bu isə o deməkdir ki, xəstəlik halları müəssisədən atılan tullantılarla əlaqəli deyil", - nazir qeyd edib.
Onun sözlərinə görə, ölçmələrin aparıldığı 86 nöqtədə radiasiya fonu üzrə zəhərli maddələrə və digər parametrlərə görə göstəricilərin normal olduğu aşkar edilib.
Eyni zamanda, Babayev etiraf edib ki, çayların yaxınlığında zəhərli tullantıların toplanması üçün süni gölün yaradılması müvafiq qurumlarla razılaşdırılmayıb.
"Vahid monitorinq sisteminin yaradılması üzrə vahid plan olmayıb, sianidlərin və digər ağır metalların təsirini minimuma endirilməsi, ətraf mühitdə qoxunun aradan qaldırılması üçün mühüm tədbirlər görülməyib. Gölün ətrafında lazımi maneə qurğuları qoyulmayıb", - Babayev qeyd edib.
O deyib ki, bu poliqonda vəziyyəti qiymətləndirmək üçün beynəlxalq şirkət cəlb edilib və iyul ayının sonunda fəaliyyətə başlayacaq. Eyni zamanda, əməliyyat şirkətinə yatağın istismarını müvəqqəti dayandırmaq təklif olunub.
Ümumilikdə, Söyüdldə əməliyyat şirkəti lazımi tədbirlər görməyəcək, ola bilsin ki, şirkət sahiblərinin pay bölgüsü yenidən nəzərdən keçirilsin.
Qeyd edək ki, Babayev Azərbaycan prezidenti İlham Əliyev qızıl mədəni tərəfindən ətraf mühitin çirklənməsi fonunda hərəkətsizliyilə bağlı naziri tənqid edəndən sonra brifinq keçirib.
Nazirin dediklərinə ekoloq Sevil Yüzbaşova və Ekologiya və Təbii Sərvətlər Nazirliyinin keçmiş əməkdaşı Aslan Vəliyev Kamran Mahmudovun təqdimatında yayımlanan “Çətin sual” verilişində münasibət bildirirlər.
-
- Cəmiyyət
- 13 İyul 2023 18:04
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz