Açiq mənbələrdən foto.
Bakı/18.09.23/Turan: Fövqəladə Hallar Nazirliyi bildirib ki, ötən bazar günü yağan leysan yağışları nəticəsində Astara və Lənkəran rayonlarında bir sıra yaşayış məntəqələrinə ziyan dəyib.
Əsasən fərdi yaşayış evlərini, həyətyanı sahələri su basıb. Nazirliyin aidiyyatı qüvvələri su basmış ərazilərdə suçəkmə və evakuasiya işlərini həyata keçirirlər.
Ziyan dəymiş məntəqələr arasında Astara rayonunun Ərçivan qəsəbəsi və Maşxan kəndi, həmçinin Lənkəran rayonlarının Sütəmurdov kəndi var.
Ölkənin digər ərazisinə gəlincə, bəzi yerlərdə daşqın və sel olub. Bazar günü ölkənin əksər yerində yağış yağıb, dağlıq ərazilərə qar yağıb.
Şəki-Zaqatala zonasında dağ çaylarında daşqın olub.
Şimal-şərq küləyinin sürəti bəzi yerlərdə 25 metr/saniyəyə çatıb. Xəzərdə dalğanın hündürlüyü 4,6 metr olub. 0
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz