Bakı/09.09.19/Turan: Sentyabrın 10-da şiələr Aşura gününü qeyd edirlər. Bununla əlaqədar Bakı polisi gücləndirilmiş rejimdə fəaliyyət göstərəcək, bu barədə Bakı Şəhər Baş Polis İdarəsi məlumat verib.
Təhlükəsizliyi təmin etmək üçün paytaxtın bütün məscid və ziyarətgahlarının ətrafında əlavə polis dəstələri növbə çəkəcək.
Dini tədbirlərin keçirildiyi yerlərdə mərasim və küçə yürüşlərinə icazə verilməyəcək, deyə məlumatda qeyd edilir.
Şiə müsəlmanlar üçün matəm ayı olan Məhərrəm ayı bu il sentyabrın 1-də başlayıb. Ayın 10-cu günü Aşura günü kimi qeyd olunur.
Qafqaz Müsəlmanları İdarəsinin Qazilər Şurasının və Elmi-Dini Şurasının fətvasında kütləvi yürüşlərin, özünə və ətrafdakılara xəsarət yetirə biləcək alətlərin, başqa ölkələrin bayraq və digər dövlət rəmzlərinin mərasimlərə gətirilməsinin yolverilməz olduğu deyilir.
Eyni zamanda, Aşura günü qanvermə aksiyası keçiriləcək.
* Aşura şiələrin 680-ci ildə Kərbəla (müasir İraq) yaxınlığında Əməvilərlə qeyri-bərabər döyüşdə tərəfdarları ilə birlikdə həlak olmuş imam Hüseyni - Məhəmməd Peyğəmbərin nəvəsi və imam Əlinin oğlunu yad etdikləri matəm günüdür. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz