Açiq mənbələrdən foto.
Bakı/02.08.22/Turan: Qafqaz Müsəlmanları İdarəsi 8 avqust Aşura günü ilə bağlı qanvermə aksiyalarının təşkil olunacağı ünvanları açıqlayıb.
Bakı şəhəri üzrə qanvermə aksiyaları Xəzər rayonu Mirmövsüm Ağa Ziyarətgahında, Nəsimi rayonunda Göy məsciddə (Əjdərbəy), Nizami rayonu üzrə "Şah Abbas” məscidində, Səbail rayonu üzrə Bibiheybət məscidi ziyarətgahında, Suraxanı rayonu üzrə Qaraçuxur məscidində, Yasamal rayonu üzrə “Təzə Pir” məscidində keçiriləcək.
Bundan əlavə, Mərkəzi Qan Bankının Gəncə, Lənkəran, Sumqayıt, Mingəçevir, Şəki, Şirvan, Bərdə və Quba bölmələrində də qanvermə aksiyası təşkil olunacaq.
İdarə bildirir ki, ümumilikdə, qanvermə aksiyaları 6 məscid və ziyarətgahda, habelə 8 səhiyyə müəssisəsində həyata keçiriləcək.
Xatırladaq ki, İmam Hüseynin (ə) Kərbəlada yaxın ətrafı da daxil olmaqla şəhid edilməsilə bağlı Aşura mərasimləri bu il avqust ayının 8-nə təsadüf edir.
Son illər Qafqaz Müsəlmanları İdarəsi bununla bağlı qanvermə aksiyaları təşkil edir. Qurum qanvermə aksiyasını ən münasib əzadarlıq nümunəsi kimi dəyərləndirir. 05D-
Cəmiyyət
-
Dövlət reyestrinə daxil edilməyən dərman vasitəsinin reseptə yazılmasına görə vəzifəli şəxslər (həkimlər) cərimələnəcək. Bunu edən həkimlərə 100-dən 150 manatadək, hüquqi şəxslərə isə 300-dən 400 manatadək cərimə nəzərdə tutulub. Bu, İnzibati Xətalar Məcəlləsinə əlavə kimi təklif edilən yeni -221.12-ci maddədə əksini tapıb.
-
Ölkənin lider mobil operatoru ISO 37001:2016 “Antikorrupsiya idarəetmə sistemi” standartları üzrə sertifikatını uğurla yeniləyib Azercell-in daxili siyasət və prosedurlarının ISO 37001:2016 standartına uyğunluğu, şirkətin fəaliyyətinin şəffaflıq prinsiplərinə əsaslandığı beynəlxalq ekspertlər tərəfindən bir daha təsdiqlənib. Sertifikatlaşma auditini 16 oktyabr 2024-cü il tarixində ABŞ-ın ən böyük akkreditasiya qurumu olan ANAB-ın (ANSI National Accreditation Board) akkreditə etdiyi Türkiyənin Denetik Belgelendirme şirkəti həyata keçirib. Auditin nəticələri Azercell-in antikorrupsiya proqramının bütün tələblərinə cavab verdiyini bir daha sübut edib.
-
Dekabrın 12-də Bakıda və Abşeron yarımadasında hava buludlu olacaq, əsasən yağıntısız keçəcək, lakin gecəyə doğru bəzi yerlərdə arabir yağış yağacağı gözlənilir. Mülayim cənub-qərb küləyi səhər arabir güclənən şimal-qərb küləyi ilə əvəz olunacaq. Havanın temperaturu gecə müsbət 6+9, gündüz müsbət 9+3 dərəcə olacaq, Milli Hidrometeorologiya Xidməti bildirib.
-
Azərbaycan Nazirlər Kabineti 2025-ci il üçün Novruz, Ramazan və Qurban bayramları münasibətilə istirahət günlərini müəyyən edib. Müvafiq qərarı baş nazir Əli Əsədov imzalayıb.
Rəy yaz