Açiq mənbələrdən foto.
Bakı/15.07.23/Turan: Azərbaycan Talışları İctimai Şurası (ATİŞ) talış dilində təhsil problemlərinə diqqət çəkmək məqsədilə Azərbaycanın cənub bölgəsindən olan deputatlara və Qafqaz Müsəlmanları İdarəsinin sədri, şeyxülislam Allahşükür Paşazadəyə (etnik talışdır) müraciət edib.
Müraciətdə qeyd edilir ki, SSRİ dövründə hüquqları baxımından ayrı-seçkiliyə məruz qalan Azərbaycan talışları ölkənin azadlığı uğrunda mübarizənin, sonradan isə həm də ölkənin ərazi bütövlüyünün müdafiəsi uğrunda iki Qarabağ müharibəsinin fəal iştirakçıları olub.
Bununla belə, müraciətdə qeyd edilir ki, talışların 32 illik müstəqillik dönəmində Azərbaycan Respublikasının Konstitusiyasında və ölkənin ratifikasiya etdiyi beynəlxalq sənədlərdə təsbit edilmiş təməl hüquq və azadlıqları təmin edilməyib.
Hətta təhsil proqramlarına daxil edilmiş həftədə bir dəfə fakultativ məşğələ kimi keçilməli olan talış dili dərsi də təcrübədə keçilmir. Talış dili dərslikləri sonuncu dəfə 18 il bundan əvvəl nəşr edildiyindən həmin kitablardan indiyə kimi heç bir əsər-əlamət qalmayıb.
ATİŞ-in müraciətində deyilir ki, dövlət orqanlarının nümayəndələri bəzən talışlara qarşı hörmətsizliyə, ayrı-seçkiliyə yol verir.
Müraciət müəllifləri deputatları və şeyxülislamı aşağıdakı məsələlərin həllində köməklik göstərməyə çağırırlar:
- Talış regionunun bütün orta ümumtəhsil məktəblərində 9-cu sinifə qədər talış dilinin tədrisinin təşkili;
- Elm və Təhsil Nazirliyindən yeni tədris ilinin başlanmasına qədər Talış dili dərsliklənin yeni, kurikulum qaydalarına əsasən nəşrinin təşkili;
- Lənkəran Dövlət Universitetində Talış dili və ədəbiyyatı fakültəsinin fəaliyyətə başlamasının təşkili. 06B
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz