Bakı/03.02.20/Turan: Azərbaycan Talışların İctimai Şurasında (ATİŞ) rəhbər orqanlar yaradılıb.
“Tolışi Sədo” qəzetinin baş redaktoru Hilal Məmmədov, hüquqşünas Ataxan Əbilov və “Azəri-Talış” İctimai Birliyinin rəhbəri Mehdibəy Səfərov iki il müddətinə təşkilatın həmsədrləri seçiliblər.
Həmsədrlərdən əlavə, 13 nəfərlik İdarə Heyətinə Cabbar Əliyev, Əli Ağayev, Əlimərdan Şükürov, Hüseynağa Heydərov, Könül Rəsulova, Mehdi Baxşıyev, Mirfəyaz Vahabov, Mikayıl Hacıyev, Oqtay Əsgərov və Tahir Hüseynov da daxil olub.
Bundan əlavə, Leyla Böncünün rəhbərliyi ilə Nəzarət Təftiş Komissiyası yaradılıb.
Fəaliyyətin ayrı-ayrı istiqamətləri üzrə müvafiq strukturların formalaşdırılması davam edir, təşkilatın məlumatında bildirilir.
ATİŞ ötən il dekabrın 7-də talış ziyalıları və Azərbaycan vətəndaş cəmiyyəti nümayəndələrindən ibarət qrup tərəfindən təsis edilib. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz