“Beynəlxalq Bankın işi” üzrə mühakimə olunanlar məhkəmə pozuntuları haqda danışıblar

Hakim Həsən Əhmədov Azərbaycan Beynəlxalq Bankı İdarə Heyətinin keçmiş sədri Cahangir Hacıyev və sabiq millət vəkili Dünyamin Quliyevin apellyasiya şikayətinə baxılması üçün bu günə təyin olunmuş məhkəmə iclasını təxirə salıb. Onlar tam bəraət almalarını və sərbəst buraxılmalarını tələb edirlər. Apellyasiya iddiasına baxılmasının fevralın 10-na keçirilməsi hazırda Bakının Qaradağ Rayon Məhkəməsində C.Hacıyevin iddiası üzrə başqa prosesin keçirilməsi ilə əlaqədardır. O, mülkiyyət hüququndan məhrum olunmasına etiraz edir. Belə ki, məhkəmənin bildirdiyi kimi, mənimsənilmiş bank vəsaitlərinə görə kompensasiya kimi evi ondan ala bilərlər.

C.Hacıyev 2015-ci il dekabrın 5-də həbs edilib. Həyat yoldaşı, barəsində axtarış elan edilmiş Zamirə Hacıyeva Londonda yaşadığı üçün qiyabi həbs olunub. İyunun 23-də Cahangir Hacıyev və iş üzrə keçən digər 7 müttəhimə ümumilikdə 211 milyondan çox pul mənimsəmək barədə ittiham irəli sürülüb.

C.Hacıyevin bacısı Əminə Turan-ın suallarını cavablandırarkən deyib ki, qardaşı nadir mədəaltı vəzi xəstəliyindən əziyyət çəkir    və həbsxanada müalicə almır, onun qanını analiz üçün götürmürlər. Beynəlxalq Qırmızı Xaç Təşkilatı ailəyə kömək edə bilməz.

C.Hacıyev aclıq aksiyası keçirdikdən sonra ümumilikdə səhhəti yaxşılaşıb və Apellyasiya Məhkəməsinin “barmaqlığında” normal görünüb. C.Hacıyev ittiham üzrə 16,5 il müddətinə azadlıqdan məhrum edilib.

“Avropa Şurası İnsan Hüquqları Məhkəməsində C.Hacıyevin işi üzə bir neçə iddiaya baxılır, C.Hacıyevin işi üzrə məhkəmə proseslərinin sayı səkkizdir. Ali Məhkəmədə qardaşımdan bağ və mənzilin alınmasına qarşı iddiamıza baxılır, belə ki, həbsdən çıxdıqdan sonra onun yaşamağa yeri olmayacaq. Məhkəmə prosesləri zamanı C.Hacıyevin anası vəfat edib. Ancaq qardaşıma anasının dəfn mərasimində iştirakına icazə verilmədi. Bir il yarımdır ki, ona ailəsi ilə telefon danışığına icazə verilmir. Mənim prezidentə açıq məktubumdan sonra Cahangir yaxınları ilə telefonla danışmaq imkanı əldə etdi. Şahidlərin məhkəməyə çağırılması  tələbilə bağlı vəkillərin bir neçə müraciətinə baxılmayıb. Cahangir Hacıyevin işinə bütün mümkün qanun pozuntuları ilə baxılır. Bu məsələ Apellyasiya Məhkəməsində həll olunmasa qardaşıma bəraət verilməsi xahişi ilə Ali Məhkəməyə müraciət etmək niyyətindəyik”, - Ə. Hacıyeva bildirib.

C.Hacıyevin qaldırdığı məhkəmə iddialarından biri prezidentin cəzaların humanistləşdirilməsi ilə bağlı 2015-ci il sərəncamının ona tətbiq edilməməsinə aiddir. Belə ki, bu sərəncamla C.Hacıyevin ittihamına yaxın işlər üzrə məhkəmə hökmlərinə yenidən baxılıb və cəza müddətləri azaldılıb.

Məhkum Dünyamin Quliyevin qohumu Sevda Ə.Hacıyeva ilə razıdır. Onlar deyirlər ki, C.Hacıyev və D.Quliyev günahsızdırlar, bankın pulunu mənimsəməyiblər, cinayət təqibinə isə nazir Samir Şərifov təşəbbüs göstərib. O, C.Hacıyevin nazirin göstərişlərinə əməl etməməsinə görə məhkumları belə cəzalandırır. “Maliyyə nazirinin tabeliyində olanlar Beynəlxalq Bankın Müşahidə Şurasının üzvləri idi, C.Hacıyevin bütün qərarları bu Şuradan keçirdi və Şərifov tərəfindən nəzarət edilirdi. Nazirin xəbəri olmadan Cahangir bankın bu qədər böyük vəsaitini mənimsəyə bilməzdi. Ancaq vəkillərin sorğularına baxmayaraq, maliyyə nazirini istintaqa və məhkəməyə cəlb etmirlər”, - Ə.Hacıyeva deyib.

Ə.Hacıyevanın sözlərinə görə, mətbuatda Cahangirin həyat yoldaşı Zamirənin Londonda xərclədiyi vəsait barədə yalan məlumatlar yayılır. Yazırlar ki, onun Pomeranian cinsi iti min beş yüz dollardır. “Mənim Bakıda bu cinsdən üç itim var. Bilirəm ki, hər birinin qiyməti beş yüz dollardır. “Zamirə öz itini Bakıdan Londona aparıb, yəni  ona min beş yüz dollar verə bilməzdi. Zamirə Londonda özünün və ailə üzvlərinin yaşaması üçün müəyyən vəsait xərcləyir, ancaq mətbuatın yazdığı kimi deyil”, - Əminə Hacıyeva əlavə edib.