ATİŞ talış dilinin inkişafı ilə bağlı təkliflərə hakimiyyətin reaksiyasının olmamasına təəssüflənir
Bakı/24.04.20/Turan: Azərbaycan Talışların İctimai Şurası (ATİŞ) talış dilinin hazırkı durumu və bu istiqamətdə təxirəsalınmaz tədbirlərlə bağlı 25 fevral 2020-ci il tarixində Azərbaycan Respublikasının ali hakimiyyət instansiyalarına: Azərbaycan prezidenti, birinci vitse-prezident, baş nazir, Prezident Administrasiyasının rəhbəri, təhsil naziri, insan hüquqları üzrə müvəkkilə təkliflər paketilə müraciət edib.
ATİŞ həmsədrlərinin imzası ilə ünvanlanan müraciətdən 2 aydan çox vaxt keçib. Bu zaman
çərçivəsində Azərbaycan ali hakimiyyət orqanları adi protokol qaydalarına əməl etməyərək, onlara müraciət edən ölkə vətəndaşlarına heç bir reaksiya verməyiblər. ATİŞ belə münasibəti ölkə rəhbərliyinin öz vətəndaşlarına qarşı etinasızlığı kimi qiymətləndirir. “Biz dövlətimizə güvənərək, qürurlu vətəndaş olmalarımıza təhlükə yarada bilən səbəbləri və vəziyyətdən çıxış yollarını təklif etmişdik. Ali hakimiyyət instansiyalarının onlara etdiyimiz müraciəti cavabsız buraxmaları isə acı təəssüf doğurur”, -qurumun bəyanatında deyilir.
ATİŞ Azərbaycanın ali hakimiyyət orqanlarının nümayiş etdirdikləri hərəkətsizliyi Azərbaycan Respublikasının Konstitusiyasının təməl prinsiplərinə və qüvvədə olan qanunvericiliə zidd hesab edir.
ATİŞ həmçinin Azərbaycan ali hakimiyyət orqanlarının belə etinasızlığının ölkədə vətəndaş harmoniyasının sarsıdılmasına, ölkə vətəndaşlarının inam və ümid hisslərinin qırılmasına xidmət etdiyini bəyan edir.
“Biz Konstitutsion hüquqlarımızı tələb edirik. Müraciətlərimizə cavab vermək, konstitutsion
haqlarımızı təmin etmək Azərbaycan dövlətinin ali hakimiyyət orqanlarının vəzifəsidir. Odur ki,
biz hüquqlarımızın təmin edilməsində israrlıyıq və haqlı tələblərimizə cavab gözləyirik”, - bəyanatda vurğulanır.-0-
-
- Cəmiyyət
- 24 Aprel 2020 14:11
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz