Azərbaycanda Ermənistan və Azərbaycan XİN rəhbərlərinin virtual danışıqlarına reaksiya

Bakı/24.04.20/Turan: Aprelin 21-də Azərbaycan və Ermənistanın xarici işlər nazirləri Elmar Məmmədyarov və Zöhrab Mnatsakanyan arasında keçirilmiş danışıqların virtual raundu, görüşün yekunlarına dair bəyanat və görüşdə azərbaycanlı nazirin nitqi Bakıda ekspertlər tərəfindən kəskin tənqid edilib.

Milli Məclisin deputatı Cavanşir Feyziyev hesab edir ki, E.Məmmədyarov Ermənistan rəhbərliyinin “aqressiv və vicdansız” ritorikasına sərt cavab verməli idi. “Biz qeyri-müəyyən bəyanatların təkrarlanmasından qurtulmayana qədər heç bir danışıqların nəticəsi olmayacaq. Belə bir vəziyyətdən istifadə edən Ermənistan istənilən yolla status-kvonu saxlamağa çalışacaq. Haqq bizim tərəfimizdədir, ancaq nədənsə biz hücum etmək əvəzinə özümüzü müdafiə edirik”.

C.Feyziyev hesab edir ki, E.Məmmədyarov prezident İ.Əliyevin müdafiə taktikasından hücum taktikasına keçidlə bağlı göstərişinə əməl etmir. XİN prezident siyasətinə uyğun hərəkət etmir. İ.Əliyev həmişə hücumdadır, ancaq bizim XİN-in adekvat mövqeyi müşahidə olunmur”, - C.Feyziyev bildirib.

O həmçinin Azərbaycana beynəlxalq təzyiqlərə müqavimət göstərə bilməyənə xaricdəki diplomatik nümayəndəlikləri tənqid edib. C.Feyziyev xarici siyasətdə, o cümlədən kadrlarda radikal islahatlara çağırır.

Deputat və Ana Vətən Partiyasının sədri Fəzail Ağamalı da hesab edir ki, E.Məmmədyarov İlham Əliyevin Ermənistana münasibətdə apardığı “hücum diplomatiyası”na uyğun deyil.

“Azərbaycan XİN-in son bəyanatını! Sanki Elmar Məmmədyarov Ermənistanın Azərbaycana qarşı işğalçılıq siyasətini ört-basdır etməklə məşğuldur. İşğalçı ölkəyə qarşı belə “dişsiz” və qorxaq bəyanatlar vermək olmaz. Biz işğala məruz qalmış ölkəyik. Ancaq nədənsə bizim xarici işlər naziri ehtiyatlı və hətta qorxaq şərhlər verir”, - Fəzail Ağamalı yerli KİV-ə müsahibəsində deyib.

Tarixçi və publisist Eldar Qinesli FB-da yazır ki, Azərbaycan XİN erməni şilləsinə itaətlə dözür. O,  Qarabağ münaqişəsinin mərhələli həlli variantının və Qarabağın məhdudiyyətsiz özünütəyin hüququnu nəzərdə tutmayan variantın Ermənistan üçün məqbul olmaması barədə  Ermənistan XİN nümayəndəsinin bəyanatına istinadən belə deyir. Bu “danışıqlar”ın hələ ki ancaq əsrin dörddə biri ərzində status-kvonu, yəni Azərbaycan ərazilərinin işğalını qoruyan Ermənistana faydası var. O, Rusiyanın hərbi-siyasi müdafiəsi altında olaraq hansısa güzəştə, yaxud kompromisə getməkdə məna görmür.

Vasitəçilər üçün də məsələnin həlli deyil, danışıqların imitasiyası vacibdir ki, hərbi həllə yol verilməsin və burada onların maraqları ermənilərin maraqları ilə tamamilə üst-üstə düşür.

Keçmiş xarici işlər naziri Tofiq Zülfüqarov son danışıqlarda Məmmədyarov və Mnatsakanyanın pandemiyanı müzakirə etmələrindən hiddətlənib.

“Ümumiyyətlə, koronavirus mövzusunun düşmənçilik edən ölkələrin XİN rəhbərləri tərəfindən müzakirəsini necə başa düşmək olar? Onlar həkimdir, ya virusoloq? Uzun illər fəaliyyət göstərən bu absurd teatrı özünün pik nöqtəsinə çatdı. Digər tərəfdən, baş tutan görüş sübut edir ki, uzun müddət həyata keçirilən taktika artıq işləmir. Belə bir şəraitdə Məmmədyarovun azərbaycanlıların xarici ölkələrdən qayıtması məsələsi ilə məşğul olması vacib olardı. Bu, düşmənlə koronavirusu müzakirə etməkdən daha düzgün olardı. Bu, sadəcə, nonsensdir”, - o qeyd edib. --0-