Bakı/12.11.19/Turan: Noyabrın 12-də Sumqayır Ərazi-İqtisad Məhkəməsində Azərbaycanın Avirtel provayder şirkətinin Aztelekom MMC-yə məxsus Abşeron telekommunikasiya qovşağına qarşı iddiasına baxış davam etdirilib.
Provayder Aztelekom-u “abunəçiləri oğurlamaqda”, yəni vətəndaşların internet-trafikini zorla, onların icazəsi olmadan öz xidmətlər sahəsinə keçirməkdə ittiham edir.
Avirtel-in vəkili Qəzənfər Paşayevin Turan-a verdiyi məlumata görə, təmsil etdiyi şirkətin Abşeron ərazisindəki 2500 abunəçisinin 750-ni bu ay cavabdeh öz idarəetməsinə keçirib. Artıq Avirtel-in Abşeronda müştərisi yoxdur, amma ölkənin başqa rayonlarında müştəriləri qalıb.
Bugünki iclasda şirkət məhkəmənin yekun qərarı qəbul edilənə qədər Avirtel-in Abşeronda işini davam etdirə bilməsi üçün Aztelekom-un qanunsuz əməllərinə son qoyulması haqqında məhkəmə qərarı qəbul edilməsi xahişi ilə çıxış edib. Hakim şirkətin aralıq iddiasını təmin etməyib və bu xahişə baxılmasını Apellyasiya Məhkəməsinə yönləndirib.
Avirtel-in ilk iddiasına baxış davam etdirilir.
Turan-ın müxbiri ilə söhbətində hüquqşünas qeyd edib ki, Aztelekom 2016-cı ildən özəl rəqiblərini provayder xidmətləri bazarından sıxışdırmaq üçün məqsədyönlü addımlar atır. 2016-cı ildə Aztelekom Avirtel üçün internet-trafik verilməsinin, kommunikasiya icarəsinin və elektrik enerjisinin dəyərini aylıq 5,9 manatdan 210 manata qaldırıb. Avirtel bu qiymətlə razı deyil və xidmətlərin bu qədər bahalaşmasının səbəbini əsaslandırmağı tələb edir.
Vəkil həmçinin bildirib ki, Aztelekom Avirtel-in abunəçilərini tovlamaq üçün başqa vasitələrə də əl atır.
Turan Aztelekom MMC-nin ictimaiyyətlə əlaqələr şöbəsinin meneceri Aynur Həsənovaya müraciət edib. O, bir gün sonra şirkətinin yazılı cavabını göndərib.
Aztelekom MMC bildirir ki, 1 yanvar 2013-cü ildə Avirtel şirkəti ilə bir il müddətinə ərazi və enerjidən istifadə müqaviləsi imzalayıb. Müqavilənin başa çatmasına 15 gün qalmış tərəflərdən hər hansı birinin onu ləğv etmək istəyi olmazsa, müqavilə müddəti bir il uzadılır.
2016-cı ildə MMC tarifləri dəyişdirib, yeni müqavilə bağlamaq zərurəti yaranıb, bu barədə bütün provayderlərə, o cümlədən Avirtelə məlumat verilib. Digər provayderlər yeni müqavilə bağladıqları halda, Avirtel yeni sazişi imzalamaqdan imtina edib, eyni zamanda qəsdən 2013-cü il tarixli sənəddən irəli gələn ödənişləri həyata keçirməkdən imtina edib.
30 noyabr 2018-ci il və 6 dekabr 2018-ci il tarixlərində Aztelekom Avirtel-ə əvvəlki müqavilənin (2013 tarixli) uzadılmayacağı barədə bildiriş təqdim edib.
Abunəçilərin bir hissəsinin Aztelekom-un fəaliyyət sahəsinə keçməsini şirkət könüllü seçim hesab edir. Abunəçilərin digər provayderlərdən xidmət almaq imkanları da var, deyə Aztelekom MMC-nin rəsmi cavabında bildirilir. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz