Açiq mənbələrdən foto.
Bakı/08.04.21/Turan: Azərbaycan Avropa Futbol Assosiasiyaları İttifaqının Bakı Olimpiya stadionunun ümumi tamaşaçı tutumunun 50 faizi qədər azarkeş buraxılması haqqında şərtini yerinə yetirib.
Bu qərar Nazirlər Kabineti yanında Operativ Qərargahın və Avro-2020 Milli Təşkilat Komitəsinin birgə iclasında Avropa Futbol Assosiasiyaları İttifaqının tövsiyələri nəzərə alınmaqla qəbul edilib. Bu barədə Azərbaycan Futbol Federasiyaları Assosiasiyasının 8 aprel tarixli məlumatında deyilir.
Azarkeşlər COVİD-19-la bağlı müvafiq prosedurların yerinə yetirilməsi şərtilə stadiona buraxılacaq.
Qərar yerli azarkeşlərlə yanaşı, oyunlarda iştirak edən milli komandaların mənsub olduğu ölkələrin – Türkiyə, İsveçrə və Uels vətəndaşlarına da şamil olunacaq.
Azarkeşlərin AVRO-2020-nin Bakı şəhərində keçiriləcək oyunlarını stadionda izləməsi üçün tətbiq olunacaq prosedurlar ilə əlaqədar yaxın gələcəkdə ictimaiyyətə daha ətraflı məlumat veriləcək, deyə məlumatda bildirilir.
Xatırladaq ki, Azərbaycanın paytaxtında A qrupunun 3 maçı və bir dörddə bir final oyunu keçiriləcək.
Qrup mərhələsinin oyunları Uels və İsveçrə arasında 12 iyun saat 17:00-da, Türkiyə və Uels arasında 16 iyun saat 20:00-da, İsveçrə və Türkiyə arasında 20 iyun saat 20:00-da keçiriləcək.
Dörddə bir final oyunu 3 iyul saat 20:00-da keçiriləcək.
Avro-2020 ötən il keçirilməli idi, amma pandemiya ilə əlaqədar 2021-ci ilə təxirə salınıb. -06D-
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz