Avropa Liqasında "Qarabağ" FK-nın rəqibləri müəyyən edilib
Monakoda futbol üzrə Avropa Liqasının əsas mərhələsinin püşkatma mərasimi keçirilib.
Bu ildən etibarən yeni turnir sistemi tətbiq olunur. 4 komandalıq qruplara bölünmək yerinə klublar ümumi turnirdə mübarizə aparacaqlar. Turnirdə 36 klub iştirak edəcək. İlk 8 komanda birbaşa 1/8 finala çıxış əldə edəcək. Onların rəqibləri 9-24-cü yerləri tutan klubların pley-off mərhələsinin qoşalaşmış oyunlarında müəyyən olunacaq.
25-36-cı yerləri tutan komandalar turnirdə mübarizəni dayandıracaqlar.
Bugünki püşkatma zamanı "Qarabağ" FK-nın 8 rəqibi müəyyən edilib.
Azərbaycan komandası "Tottenhem" (İngiltərə), "Ayaks" (Niderland), "Olimpiakos" (Yunanıstan), "Lion" (Fransa), "Malme", "Elfsborq" (hər ikisi İsveç), "Bude-Qlimt" (Norveç) və FKSB (Rumıniya) klubları ilə oynayacaq.
Ağdamlılar "Tottenhem", "Olimpiakos", "Bude-Qlimt" və "Elfsborq"la rəqib meydançasında, "Ayaks", "Lion", "Malme" və FKSB ilə öz meydançasında oynayacaq.
Cəmiyyət
-
Azercell-in korporativ müştəriləri üçün sənəd dövriyyəsi daha rahat, təhlükəsiz və sürətli oldu “Azercell Biznes” korporativ müştərilərinə göstərdiyi xidmətləri rəqəmsallaşdırmağa davam edir. Şirkət eyniadlı tətbiqinin imkanlarını genişləndirərək elektron sənəd dövriyyəsi üçün nəzərdə tutulan yeni həlli təqdim edir. Bu funksiya korporativ müştərilərə sənədləşmə prosesini daha çevik və rahat - rəqəmsal şəkildə həyata keçirmək imkanı verir. Belə ki, “Azercell Biznes” tətbiqi vasitəsilə sənədləri artıq kağız əsasında deyil, elektron şəkildə yaratmaq və imzalamaq mümkündür.
-
Çərşənbə günü Bakıda və Abşeronda gecə yağıntı gözlənilir, mülayim şimal-qərb küləyi əsəcək.
-
İnnovasiya və sürət lideri “Bakcell” ölkənin ilk rəqəmsal bankı “Birbank” ilə əməkdaşlıq çərçivəsində yeni “Birinci” tarif paketini təqdim edir.
-
BMT-nin 11-22 noyabrda Bakıda keçiriləcək iqlim konfransı (COP29) ərəfəsində Bakıya Çin istehsalı olan elektrik mühərrikli 160 avtobus gətirilib. Rəsmi məlumata görə, onlar üçün bütün lazımi cihaz və avadanlıqları olan avtobus parkı da yaradılıb. Noyabrın 2-də prezident İlham Əliyev həmin avtobus parkına baxış da keçirib.
Rəy yaz