Açiq mənbələrdən foto.
Bakı/12.03.21/Turan: Avtomobil Yolları Dövlət Agentliyi ölkədə hava şəraiti haqda məlumat yayıb. Belə ki, Bakı-Quba-Rusiya yolunda qar yağır. Bu magistralın Quba-Qusar ərazisində 8 dərəcə şaxta, Xınalıqda isə mənfi 15 dərəcədir.
Bakı-Qobustan marşrutunda da güclü küləklə müşayiət olunan qar yağır.
Qobustanda qar örtüyünün qalınlığı 10-12 santimetrə, havanın temperaturu 2-3 dərəcəyə çatır.
Gəncə-Qazax istiqamətində də qar yağır. Qar örtüyünün hündürlüyü 15-20 santimetrə çatır.
Oğuz-Qəbələ-Şəki və İsmayıllı-Qəbələ istiqamətlərində də qar yağması müşahidə olunur. Burada qar örtüyünün qalınlığı 15-20 santimetrə çatır.
Daşkəsən və Lerikdə hava şaxtalıdır, güclü qar yağır. Buz bağlamasının qarşısını almaq üçün yollara duz və qum səpilir.
Hidrometeorologiya xidmətinin məlumatına görə, qar örtüyünün hündürlüyü Sarıbaşda (Qax) 42 santimetr, Şahdağda 28 santimetr, Kiş çayında 10 santimetr, Daşkəsən -19 santimetr, Göygöl - 15 santimetr, Qusar -14 santimetr, Quba - 12 santimetr, Qrızda – 11 santimetr, Gədəbəydə 8 santimetrdir. - 05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz