Baba Süleyman 1 ay müddətinə həbs edilib.
* * *
2020 Aprel 14 (Çərşənbə axşamı) 16:37:15
Daha bir AXCP fəalı həbs edilib
Bakı/14.04.20/Turan: Xalq Cəbhəsi Partiyasının üzvü Baba Süleyman aprelin 14-də məhkəmə qərarı ilə həbs edilib.
Süleymanov 8103 nömrəsindən SMS-icazə alaraq evdən çıxıb. Amma onu saxlayıblar və naməlum istiqamətə aparıblar. Sonradan məlum olub ki, fəal Nəsimi rayon məhkəməsinə aparılıb, burada o, inzibati qaydada həbs edilib. AXCP-dən fəalın nədə ittiham olunduğunu və neçə günlük həbs edildiyini bildirməyiblər.
Nəsimi rayon məhkəməsindən Turan-a Cəmilə Musayevanın sədrliyi ilə proses keçirildiyini təsdiq ediblər. Amma hakimin köməkçisi Süleymanov barəsində qəbul edilmiş qərarın təfsilatını açıqlamaqdan imtina edib.
Paytaxt polisinin mətbuat xidməti də məlumatı olmadığına istinad edərək, bununla bağlı şərh verməyib.
Qeyd edək ki, son iki həftədə ölkədə 10-dan çox müxalifətçi həbs edilib, onların əksəriyyəti AXCP üzvləridir. -21B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz