Açiq mənbələrdən foto.
Bakı/07.08.20/Turan: Bu gün Bakının Nərimanov rayon Məhkəməsində hakim Vüsal Qurbanovun sədrliyi ilə Azərbaycan Xalq Cəbhəsi Partiyasının (AXCP) fəalı, bu partiyanın sədri Əli Kərimlinin sürücüsü Paşa Umudov barəsində hökm oxunub. Məhkəmə onu Cinayət Məcəlləsinin 234.2 (Satış məqsədi ilə qanunsuz olaraq narkotik vasitələri və ya psixotrop maddələri əldə etmə və ya saxlama, hazırlama, istehsal etmə, emal etmə, daşıma, göndərmə, yaxud qanunsuz olaraq narktok vasitələri və ya psixotrop maddələri satma) maddəsi ilə təqsirli bilərək, 4 il 6 ay həbsə məhkum edib. Bu barədə Turan-a onun vəkili Zibeydə Sadıqova bildirib.
Müdafiə tərəfi hökmlə razı deyil və ondan Apellyasiya Məhkəməsinə şikayət verəcək.
“Biz Umudova bəraət istədik. Prokuror isə 5 il həbs istədi. Hakim 4 il ay həbs verdi”, deyə vəkil qeyd edib.
Umudov 2019-cu il oktyabrın 19-da Milli Şuranın keçirdiyi mitinq ərəfəsində saxlanılıb.
O, məhkəmədə son sözündə ittihamı absurd adlandırıb. “AXCP üzvünü mitinq ərəfəsində, fəalların kütləvi həbslərinin getdiyi bir vaxtda cibində narkotik gəzdirməkdə ittiham etmək absurddur. Bu iş siyasi motivlidir v məhkəmə sifarişi yerinə yetirir”, deyə Umudov bildirib. -03B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz