![Açiq mənbələrdən foto.](https://turan.az/resized/media/2023/main/020900058005-750-500-resize.webp)
Açiq mənbələrdən foto.
AXCP fəalı Şahin Hacıyevin kassasiya şikayəti təmin edilməyib
Bakı/09.02.23/Turan: Fevralın 9-da Ali Məhkəmə hakim İlqar Qılıcovun sədrliyi ilə Azərbaycan Xalq Cəbhəsi Partiyasının (AXCP) Gəncə Şöbəsinin fəalı Şahin Hacıyevin kassasiya şikayətini təmin etməyib. Ali Məhkəmə Gəncə Apelyasiya Məhkəməsinin qərarı qüvvədə saxlayıb.
AXCP-nin məlumatında deyilir ki, Şahin Hacıyev vəkillərdən imtina edərək öz hüquqlarını özü qoruyacağını bildirsə də, onun məhkəmə iclasında iştirakı təmin edilməyib.
Azərbaycan Xalq Cəbhəsi Partiyasının fəalı Şahin Hacıyev 2022-ci il martın 31-də Gəncə Ağır Cinayətlər Məhkəməsinin hökm ilə 6 il azadlıqdan məhrum edilib.
Məhkəmə Hacıyevi Cinayət Məcəlləsinin 234.4.3-cü maddəsi ilə (külli miqdarda narkotik maddənin qanunsuz dövriyyəsi) təqsirli bilib.
Şahin Hacıyev məhkəmənin hökmü ilə razılaşmayıb və tam günahsız olduğunu bildirib.
"Müdafiə Xətti" hüquq müdafiə təşkilatının icraçı direktoru Rüfət Səfərov bildirib ki, ittiham məhkəmə istintaqı zamanı sübut olunmayıb.
"AXCP Gəncə şəhər təşkilatının fəalı Şahin Hacıyevin narkotik vasitələrin qanunsuz dövriyyəsində ittiham edilməsi, "narkobaron" çıxarılması qondarma motivlərə söykənir. Şahin bəy sosial şəbəkələrdə hökumətin ünvanına sərt tənqidi qeydlər paylaşırdı", deyə o qeyd edib.
Azərbaycan Xalq Cəbhəsi Partiyasında da əmindirlər ki, fəalın həbsinin əsl səbəbi onun sosial şəbəkələrdə hakimiyyətin ünvanına tənqidi yazıları ilə bağlıdır.
Öz növbəsində, hüquq-mühafizə orqanları sifarişli həbslə bağlı deyilənləri qəbul etmir. Hüquq-mühafizə orqanlarının rəsmiləri insanların özünü müdafiə məqsədi ilə belə bəyanatlarla çıxış etdiyini bildirir. 03
-
- Aktual Reportaj
- 9 Fevral 2023 17:21
Cəmiyyət
-
Xalq artisti Ağadadaş Ağayevlə baş verən insidentlə əlaqədar cinayət işi açılıb. Bu barədə Daxili İşlər Nazirliyindən Turan-ın sualına cavab olaraq bildiriblər.
-
İyulun 24-də saat 03:30-da Azərbaycan Sərhəd Qoşunlarının "Göytəpə" sərhəd dəstəsinin xidməti ərazisində iki naməlum şəxs İran tərəfdən Azərbaycan istiqamətində dövlət sərhədini pozub.
-
Buzovna çimərliyinə gələnlərin çəkdikləri və azinform informasiya portalının yaydığı videoda gecə Xəzər dənizinə çirkab sularının gizli axıdılması halları aşkar edilib ki, bu da ətraf mühitə laqeyd münasibət və əhalinin sağlamlığı üçün risklər ilə bağlı narahatlıq yaradıb.
-
Azərbaycan Xalq Cəbhəsi Partiyası Gəncə rayon şöbəsinin fəalı, iki il əvvəl Gəncədə həbs edilmiş Razi Alışovun məhkəməsi başa çatıb.
Təhsildə maliyyələşmə necə qurulmalıdır? – Nabatəli Qulamoğlu Çətin sualda
Xəbər lenti
-
- Cəmiyyət,
- 13:18
- 302
Rəy yaz