Bakı/24.03.20/Turan: AXCP fəalı Əlizamin Salayevə qarşı CM-in 128-ci maddəsi (qəsdən sağlamlığa yüngül zərər vurma) ilə cinayət işi açılıb. İstintaqı Salyan Rayon Polis İdarəsi aparır. Bu barədə Turan-a Ə. Salayev özü məlumat verib.
AXCP fəalı 2019-2020-ci illərdə İnzibati Xətalar Məcəlləsinin 535.1-ci maddəsi (polisin qanuni tələbinə tabe olmamaq) ilə 7 dəfə 15 sutkadan 30 sutkayadək müddətə inzibati həbs edilib.
Ə. Salayev fevralın 24-də əməliyyat olunub. “Cərahiyyə əməliyyatından sonra evimdə müalicəmi davam etdirirdim. Martın 2-də keçmiş qonşum Coşqun Nuriyev mənə baş çəkmək adı ilə evimə gəldi. İçkili idi. Birdən başını həyətin qapısına çırparaq özünə xəsarət yetirdi. Sonradan öyrəndim ki, məndən polisə şikayət edib. İndi mənə qarşı Cinayət Məcəlləsinin 128-ci maddəsi ilə cinayət işi açıblar. Bundan öncə isə Salyan rayon polis şöbəsinin təhqiqat bölməsinin rəisi Həmzə Əzizov CM-in 147 (böhtan) və 148-ci (təhqir) maddələri ilə barəmdə şikayət verib. Martın 29-da məhkəmənin hazırlıq iclası olacaq”, - AXCP fəalı bildirib. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz