Açiq mənbələrdən foto.
Bakı/21.07.20/Turan: İyulun 21-də Azərbaycan Xalq Cəbhəsi Partiyası (AXCP) Sabunçu rayon şöbəsinin fəalı Məhəbbət Nağıyev saxlanılıb və Baş Prokurorluğun istintaq şöbəsinə aparılıb.
Elə bu gün Baş Prokurorluğun istintaq şöbəsi AXCP fəalları Nicat Abdullayev, Baba Süleymanov və Ceyhun Novruzova qarşı cinayət ittihamları irəli sürüb. Onlar iyulun 15-nə keçən gecə Milli Məclisin binası qarşısında keçirilən nümayiş zamanı baş vermiş insidentlə əlaqədar cinayət işi üzrə təqsirləndirilən şəxs qismində cəlb olunublar.
AXCP-dən Turan-a bildiriblər ki, həmin fəalları məhkəmələrə aparıblar. Barələrində həbs qərarının qəbul ediləcəyi gözlənilir.
Beləliklə, 8 nəfər AXCP fəalına qarşı CM-in 186.2.1-ci (zərərçəkmiş şəxsə külli miqdarda ziyan vurmaqla əmlakı qəsdən məhv etmə və ya zədələmə), 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət ittihamı irəli sürülüb.
İyulun 15-dən sonra 22 nəfər partiya fəalı saxlanılıb və dindirilib, onların 8-nə qarşı ittihamlar irəli sürülüb, yeddi nəfər buraxılıb, qalanların taleyi hələlik məlum deyil.
“7 nəfər AXCP fəalının barəsində hələ məlumat yoxdur. Onların harada saxlanılması barədə məlumat verilmir. Onlara doğmaları və vəkilləri ilə görüşə imkan verilmir”, - partiya nümayəndəsi bildirib.
AXCP bu həbsləri tamamilə əsassız və siyasi sifariş hesab edir. -03B-
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz