Mehdi Əsədov
Bakı/14.09.22/Turan: Azərbaycan Xalq Cəbhəsi Partiyasının (AXCP) Masallı Şəhər dayaq dəstə sədri Mehdi Əsədov inzibati qaydada 30 sutka müddətinə həbs olunub.
Partiyadan Turan-a verilən məlumata görə, Əsədov sentyabrın 13-də öz evində polis tərəfindən saxlanılıb. "Dünən polis şöbəsinin əməkdaşları AXCP Masallı Şəhər dayaq dəstə sədri Mehdi Əsədovun evinə gələrək əvvəlcə onun telefonunu tapıb götürüblər, sonra özünü zorla şöbəyə aparıblar. Bir neçə saatdan sonra o, məhkəməyə aparılıb və İnzibati Xətalar Məcəlləsinin 535.1-ci (polisə müqavimət) maddəsi ilə təqsirli bilinərək, inzibati qaydada 30 sutka müddətinə həbs olunub", deyə AXCP-dən qeyd ediblər.
Partiyadan hesab edirlər ki, Əsədov sosial şəbəkələrdə tənqidi nəşrlərinə görə həbs olunub.
Məsələ ilə bağlı Daxili İşlər Nazirliyindən münasibət öyrənmək mümkün olmayıb. 21B06
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz