Seymur Həzi
Bakı/12.01.23/Turan: Azərbaycan Xalq Cəbhəsi Partiyasının sədr müavini Seymur Həzi Gürcüstana buraxılmayıb. Bu barədə Turan-a Seymur Həzi özü məlumat verib.
Onun sözlərinə görə, yanvarın ilk günlərində o, Gürcüstandan Türkiyəyə səfər edib, orada siyasi partiyaların nümayəndələri ilə görüşlər keçirib. "Bir müddət Gürcüstanda idim, sonra Türkiyəyə getdim. Türkiyədən Gürcüstana qayıtmaq istəyəndə sərhəddə mənə heç bir səbəb göstərmədən ölkəyə girişimi əngəlləyiblər".
Həziyə bunun deportasiya olub-olmadığını da bildirməyiblər. "Mən Gürcüstandan Türkiyəyə getmək üçün çıxanda heç bir problem yaşanmayıb deyə indi bu qərarın mənasını anlamıram".
O, bunu Azərbaycan hökuməti ilə əlaqələndirib. "Məncə hökümət Türkiyə səfərimdən qəzəblənib, belə edib. Ötən Türkiyə səfərimdən sonra da Gürcüstana getmək üçün bizə bilet satmadılar".
Bundan başqa, o, bu məsələ ilə Gürcüstanlı vəkillərin məşğul olduğunu bildirib.
Seymur Həzi Azərbaycana qayıdacağını da bildirib.
Məsələ ilə bağlı Gürcüstanın aidiyyatı qurumlarından münasibət öyrənmək mümkün olmayıb.
Azərbaycan Xalq Cəbhəsi Partiyasının sədr müavini Seymur Həzi 2014-cü il avqustun 29-da həbs edilib. Avtobus dayanacağında Məhərrəm Həsənov adlı şəxsi su şüşəsi ilə vurmaqda ittiham olunan jurnalist Cinayət Məcəlləsinin 221.3 (silah və ya silah qismində əşya vasitəsilə xuliqanlıq) maddəsilə 5 il müddətinə azadlıqdan məhrum edilib. 2019-cu il avqustun 29-da cəza müddəti bitdikdən sonra azadlığa çıxıb.16/05D
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz