Bakı/21.08.18/Turan: Avqustun 21-də Yasamal Rayon Məhkəməsi Azərbaycan Xalq Cəbhəsi Partiyasının (AXCP) üzvləri Ramin Əhmədova 15, Bəşir Tarverdiyevə 10 sutka inzibati həbs verib, Nicat Abdullazadə isə 200 manat cərimə edilərək azad buraxılıb. Bu barədə AXCP-nin mətbuat xidməti məlumat yayıb.
AXCP üzvləri partiyanın həbsdə olan fəallarının ailə üzvləri ilə görüşünə imkan verilməməsinə etiraz olaraq avqustun 20-də Bakıda Elmlər Akademiyası metro stansiyasının qarşısında etiraz aksiyası keçirən zaman saxlanılıb. Belə ki, AXCP üzvləri Nicat Abdullazadə, Bəşir Tarverdiyev, Ramin Əhmədov və Ruslan Qurbanlı həbsdə olan fəalların fotoları əks olunan plakatlar qaldırıblar və bununla onların ailə üzvləri ilə görüşünə imkan verilməməsinə etiraz ediblər.
Etiraz aksiyası keçirən AXCP üzvləri saxlanılaraq Yasamal Rayon Polis İdarəsinin 28-ci polis bölməsinə aparılıb. Ruslan Qurbanlı azad edilsə də Nicat Abdullazadə, Bəşir Tarverdiyev və Ramin Əhmədov bu gün məhkəmə qarşısına çıxarılıb.
AXCP fəalları Aqil Məhərrəmov, Ruslan Nəsirli və Babək Həsənov mayın 25-də həbs olunublar. Onlar Gədəbəy rayonunun keçmiş icra başçısı Saleh Rüstəmov və qardaşı oğlu Vidadi Rüstəmli ilə birlikdə məsuliyyətə cəlb ediliblər. Onların hamısını "çirkli pulların yuyulmasında" ittiham ediblər, bu, Rusiyada azərbaycanlı biznesmenlərdən yığılan ianələrin AXCP-yə verilməsindən ibarət olub.
AXCP-nin məlumatına görə həbsdə olanların ailə üzvləri ilə görüşünə imkan verilmir.
Rəsmi qurumlar AXCP üzvlərinin saxlanılması ilə bağlı hələ hər hansı məlumat yaymayıblar.-03B-
Cəmiyyət
-
Həbsdə olan ictimai fəal, I qrup əlil Famil Xəlilov noyabrın 28-də yenidən aclıq aksiyasına başlayıb. O hazırda quru aclıq edir, su, dərman qəbulundan da imtina edib. Xəlilov “qanunsuz həbsinə” etiraz edir. Bu barədə Famil Xəlilovun həyat yoldaşı Kiçikxanım Xəlilova onunla dekabrın 1-də telefon danışığından sonra Turana deyib. “Famillə bu gün telefonla danışdım. O quru aclığı davam etdirdiyini, hətta dərmanlarının qəbulundan imtina etdiyini dedi. Bildirdi ki, dərman qəbul etmədiyindən gecələr yata da bilmir. Mənim yalvarışlarıma baxmayaraq o inadından dönmədi. Familə onun ev dustaqlığına buraxılması ilə bağlı verilən vədə noyabrın 28-də məhkəmədə əməl edilməməsi çox ağır təsir edib”, o qeyd edib.
-
17 saylı cəzaçəkmə müəssisəsində cəza çəkən Müsəlman Birliyi Hərəkatının (MH) fəalı Bəxtiyar Babaşov fiziki təzyiqə məruz qalıb. Bu barədə onun həyat yoldaşı, jurnalist və hüquq müdafiəçisi Arzu Abdulla məlumat verib. Noyabrın 30-da o, ərinin cəza çəkdiyi müəssisənin qarşısında etiraz aksiyası keçirib. O, ərinə və digər məhbuslara qarşı zorakılığın dayandırılmasını tələb edib.
-
Qışın ilk günüdə Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Gecə və səhər bəzi yerlərdə çiskinli olacağı, axşam isə arabir yağış yağacağı ehtimalı var. Şimal-qərb küləyi əsəcək.
-
Noyabr ayının 23-də saat 19:00-da Dövlət Sərhəd Xidmətinin Sərhəd Qoşunları Komandanlığının Xudat sərhəd dəstəsinin xidməti ərazisində Azərbaycan Respublikasından Rusiya Federasiyası istiqamətində Əlcəzair Xalq Demokratik Respublikası vətəndaşı–2002-ci il təvəllüdlü Chouaib Bendemagh, noyabrın 25-də saat 00:05-də Lənkəran sərhəd dəstəsinin xidməti ərazisində İran İslam Respublikasından Azərbaycan Respublikası istiqamətində İİR vətəndaşları–2004-cü il təvəllüdlü Rayenzadə Muhemmedrza Əli və 2008-ci il təvəllüdlü Mikayıllı Yeganə Nehmətulla dövlət sərhədini pozmağa cəhd göstərərkən saxlanılıb.
Rəy yaz