![Mütəllim Orucov](https://turan.az/resized/media/2022/main/060200046202-750-500-resize.webp)
Mütəllim Orucov
AXCP üzvü Mütəllim Orucovun işi üzrə məhkəmə prosesi qapalı rejimdə keçiriləcək
Bakı/02.06.22/Turan: Xalq Cəhbəsi Partiyasının fəalı Mütəllim Orucovun işi üzrə məhkəmə prosesi onlayn rejimdə keçiriləcək. Müdafiə tərəfi bunu Orucovun hüquqlarının və ədalət prinsipinin pozulması kimi qiymətləndirir.
İyunun 2-də Sumqayıt Şəhər Məhkəməsində hazırlıq iclası başlayıb. İclasdan sonra vəkil Nemət Kərimli Turan-a bildirib ki, məhkəmə prosesi on-layn formada keçirmək qərarına gəlib.
"Yəni təqsirləndirilən şəxs istintaq təcridxanasından məhkəməyə qoşulacaq. Hakim bu qərarı "mövcud vəziyyətlə" əsaslandırıb, amma mənim prosesi əyani keçirməyə nəyin mane olduğu barədə israrlı suallarıma cavab verməyib. Məhkəmənin onlayn formada keçirilməsi üçün heç bir məntiqli əsas yoxdur", deyə vəkil bildirib.
Onun fikrincə, bütün bunlar təqsirləndirilən şəxsin hüquqlarını və Azərbaycanın ədalətli məhkəmənin təmin edilməsi üzrə beynəlxalq öhdəliklərini pozur.
Hazırlıq iclası iyunun 16-da davam edəcək, deyə vəkil əlavə edib.
Xatırladaq ki, Mütəllim Orucov 2021-ci ilin oktyabrında - siyasi mühacir kimi yaşadığı Almaniyadan deportasiya olunduqdan beş ay sonra narkotik maddələrin qanunsuz dövriyyəsi ittihamı ilə həbs edilib.
Ona qarşı CM-in 234.4.3-cü (narkotik maddələrin qanunsuz dövriyyəsi) maddəsi ilə ittiham irəli sürülüb, bu maddə ilə o, 12 ilədək azadlıqdan məhrum edilə bilər. Xalq Cəbhəsi Partiyasında Orucovun siyasi motivlərlə - Almaniyada Azərbaycanda insan hüquqlarının pozulmasına qarşı etiraz aksiyalarının iştirakçılarından biri kimi həbs edildiyi qənaətindədirlər.
Hüquq müdafiəçiləri onu siyasi məhbus kimi tanıyıb. -06В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz