Açiq mənbələrdən foto.
Bakı/21.05.20/Turan: Xətai rayon məhkəməsində "Azadlıq" qəzetinin müxbiri, müxalif Xalq Cəbhəsi Partiyasının üzvü Təzəxan Mirələmliyə qarşı cinayət işi üzrə hazırlıq iclası mayın 22-nə təxirə salınıb.
Buna Mirələmlinin məhkəmədə ittiham aktını cəmi iki gün əvvəl aldığı və sənədlə tanış olmağı çatdırmadığı barədə bəyanatı səbəb olub. Bununla əlaqədar hakim iclası mayın 22-nə təxirə salıb.
Xatırladaq ki, Mirələmli CM-in 221-1-ci (xuliqanlıq) maddəsi ilə ittiham olunur. Ona qarşı cinayət işi özünü "videobloger" kimi təqdim edən Ata Abdullayevin şikayəti ilə açılıb. Təhqiqat predmeti fevralın 26-da AXCP fəalları Xocalı soyqırımı qurbanları abidəsini ziyarət edərkən baş vermiş insidentdir.
Mirələmlinin sözlərinə görə, o, jurnalist kimi bu tədbiri işıqlandırırdı. "Ata Abdullayev söyüş söyürdü, mən ona yaxınlaşıb xəbərdarlıq etdim, o isə polisə guya onu vurduğum haqqında şikayət verib", deyə Mirələmli bildirib.
221.1-ci maddə ilə Mirələmli min manatdan üç min manata qədər (600-1800 dollar) cərimə oluna və ya bir ilə qədər islah işlərinə cəlb edilə, yaxud bir ilə qədər azadlığın məhdudlaşdırılması və ya bir ilə qədər azadlıqdan məhrumetmə cəzasına məhkum edilə bilər. -30С-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz