Azər Qasımlı sərhədi keçə bilib
İyulun 28-də günorta ReAL Partiyasının Məclis sədri Azər Qasımlı Gürcüstana gedib.
Bu barədə Azər Qasımlının həyat yoldaşı Samirə Qasımlı bildirib.Onun sözlərinə görə, sərhəddə yaranan problem, artıq aradan qalxıb. "Azər Qasımlı artıq Gürcüstandadır, heç bir problem yoxdur", deyə o vurğulayıb.
***
İyulun 28-də günortaya yaxın ReAL Partiyasının Məclis sədri Azər Qasımlı Azərbaycan-Gürcüstan sərhədində yenidən problemlə üzləşdiyini açıqlayıb.
Azər Qasımlı hazırda sərhəd keçid məntəqəsində olduğunu bildirib.
ReAL Partiyası Məclisinin sədrinin deməsinə görə, yenə Gürcüstana keçmək istəyib və onu təkrar buraxmayıblar. Azər Qasımlının bildirməsinə görə, ona yenə deyiblər ki, DTX ölkədən çıxışına qadağa qoyub.
ReAl Partiyası Məclisinin sədrinin qeyd etməsinə görə, məhkəmə hökmünü göstərsə də, ona cavab veriblər ki, qərar prokurorluğun qadağasının götürülməsi barədədir, DTX-nın yox.
Bu açıqlamaya da, hələlik, DTX-dən hər hansı münasibət almaq mümkün olmayıb.
***
Azər Qasımlı saxlanılıb
Bakı/28.07.19/Turan: İyulun 28-də səhər saatlarında REAL Partiyası Məclisinin sədri Azər Qasımlı Gürcüstanla sərhəddə saxlanılıb. Bu barədə Turan A.Qasımlı bildirib. Onun sözlərinə görə,
Gürcüstana səfərdə məqsəd Baş Prokurorluq tərəfindən onun ölkədən çıxışına qoyulmuş qadağanın götürülməsilə bağlı Nəsimi məhkəməsinin qərarının icra edilib-edilməməsimi yoxlamaq olub.
A.Qasımlı bildirib ki, pasport nəzarətində ona deyiblər ki, prokurorluq tərəfindən qoyulmuş qadağa 5 gün öncə götürülüb. Lakin indi yeni qadağa qoyulub, bu dəfə Dövlət Təhlükəsizliyi Xidməti (DTX) tərəfindən. "Bunun səbəbini bilmirəm. Məni saxlayıblar və hazırda DTX nümayəndəsini gözləyirəm. O gələndən sonra məsələyə aydınlıqt gətiriləcək", - A.Qasımlı vurğulayıb.
Xatırladaq ki, iyulun 12-də Nəsimi Rayon Məhkəməsinin qərarı ilə A.Qasımlının ölkədən çıxışına qoyulmuş qadağa götürülüb. Prokurorluq qadağanı guya A.Qasımlının adının keçdiyi hansısa cinayət işi ilə əsaslandırmışdı.
2018-ci ilin dekabrında AİHM xarici səfərlərə qadağa ilə bağlı A.Qasımlının şikayətini təmin edib.
Lakin indiyədək AİHM0-in qərarı icra edilmir. -21B--
-
- Foto sessiyalar
- 27 İyul 2019 22:36
-
- Siyasət
- 28 İyul 2019 16:22
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz