Elman Məmmədov
“Azərbaycan ərazisinə daxil olan Rusiya hərbçilərinin kontingenti sülhməramlı deyil” – deputat
Bakı/11.03.22/Turan: Sosial şəbəkələrdə artıq bir neçə gündür 10 noyabr üçtərəfli bəyanatına əsasən Azərbaycan ərazisində müvəqqəti yerləşən Rusiya sülhməramlıların bir hissəsinin Qarabağı tərk edərək Ukraynaya göndərildiyi deyilir.
Dünən isə Ukrayna prezidentin ofisinin müşaviri Aleksey Arestoviç mediaya açıqlamasında bildirib ki, «Qarabağa sülhməramlı kimi daxil olan hərbçilərinin bir hissəsi Ukraynada əsir düşüb».
Son günlər də Müdafiə Nazirliyi Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstələrinin üzvləri tərəfindən Azərbaycan ordusunun mövqelərinin tez-tez atəşə tutması ilə bağlı məlumatlar verir.
Ümumiyyətlə, hərbi əməliyyatları aparan bir ölkənin sülhməramlı qüvvələri digər ölkənin ərazisində olması nə dərəcədə doğrudur? Azərbaycan ərazisində 5 illik müddətinə yerləşdirilən Rusiya sülhməramlıları ilə bağlı bir dəyişiklik gözlənilirmi?
Milli Məclisin Müdafiə, Təhlükəsizlik və Korrupsiya ilə mübarizə Komitəsinin üzvü Elman Məmmədov Turana bildirib ki, Azərbaycan ərazisinə daxil olan Rusiya hərbçilərini sülhməramlı kontingent kimi qəbul etmir. «Çünki əməlləri sülhməramlı deyil. Onlar sülhməramlıq missiyasına ləkə gətirən bir qrup hərbi kontingentdir. Onlar bizim ərazimizdə uzun illərdir kök salmış separatçı qurumun fəaliyyət göstərməsinə himayədarlıq edirlər və şərait yaradırlar».
Deputat qeyd edib ki, eyni zamanda Vətən müharibəsinin bitməsindən 1 il 4 ay keçməsinə baxmayaraq hələ də Ermənistan dövlətinə məxsus silahlı birləşmələrinin bir neçə minlik hissəsi Azərbaycan ərazisində qalmaqda davam edir. «Hələ də Rusiya hərbi kontingenti onlarla sıx əməkdaşlıqdadır və onların təminatında, təlimatlandırılmasında, onların bizim ərazimizdə bu günə qədər qalmasında fəal iştirak edirlər. Elə çıxır ki, maraqlıdılar».
Komitə üzvü bildirib ki, Rusiyanın Ukraynada dinc əhaliyə qarşı törətdiklərini görür. «Ukraynada verilən xəbərlərə baxıram. Doğum evini bombalayırlar, xəstəxanalar bombalanır, uşaq bağçaları, məktəblər. Dinc əhali Ukraynadan çıxmağa çalışan qadınlar, uşaqlar, əlacsızlar yollarda bombalanır. Belə bir əməlin sahibi olan dövlətin bizim ərazimizdə sülhməramlıların olması, mənə elə gəlir ki, gələcəkdə bizim üçün də müəyyən problemlər yarada bilər».
Atlas Araşdırmalar Mərkəzinin rəhbəri Elxan Şahinoğlu da AzadlıqRadiosuna bildirib ki, Rusiya sülhməramlılarının Azərbaycan ərazisində qalması artıq doğru deyil. «Çünki Rusiya Ukrayna ilə elan olunmamış işğal müharibəsini aparır və dünya tərəfindən pislənilir. Azərbaycanın özü Ukraynanın ərazi bütövlüyünü tanıyır. Digər tərəfdən də Qarabağda olan sülhməramlıların bir qismi Ukraynada əsir düşüb. Bu baxımından hesab edirəm ki, artıq onların burada sülhməramlı kimi qalmağa siyasi və ən çox mənəvi haqları yoxdur».
Lakin siyasi şərhçisi deyir ki, reallıq buna imkan vermir. «10 noyabr reallığı isə ondan ibarətdir ki, hələ 4 il onlar bölgədə qalmalıdılar».
Buna baxmayaraq, ekspert hesab edir ki, bu məsələnin qaldırmaq vaxtıdır. «Çünki Qarabağda təxribatların sayı artıb, Azərbaycan əleyhinə dezinformasiyalar yayılır. Bütün bunlar Azərbaycana təzyiq vasitəsidir. Hesab edirəm ki, Rusiya hərbçilərinin bölgədən çıxarılması məsələsi ciddi şəkildə qaldırılmalıdır».—21D-
Cəmiyyət
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
-
Qəmər adaları vətəndaşı Məhəmməd Əhməd və Azərbaycan vətəndaşı Pərviz Quliyev Azərbaycanda "Qırmızı kitab"a düşən şahinləri ovladıqlarına görə saxlanılıblar.
-
Oktyabrın 25-də Bakıda və Abşeronda hava dəyişkən olacaq. Gün ərzində Abşeronun bəzi yerlərində yağış yağa bilər. Şimal-qərb küləyi əsəcək.
-
Oktyabrın 21-22-si Bakıda yağış bir sıra problemlərlə yanaşı, insan faciəsinə də yol açdı. Sabunçu rayonu ərazisində subasmaya məruz qalmış tuneldə iki şəxs həyatını itirdi. Halbuki Bakıda seldən ölüm halları yaxın tarixdə baş verməmişdi.
Rəy yaz