Bakı/30.12.19/Turan: Dövlət Gömrük Komitəsi mütəşəkkil dəstə tərəfindən 5 fakt üzrə ölkənin gömrük sərhədindən keçirilməsinə cəhd göstərilən 24 kiloqram narkotik vasitə - tiryək aşkar edərək dövriyyədən çıxarıb. Bu barədə Dövlət Gömrük Komitəsi məlumat yayıb.
Belə ki, dekabrın 6-da poçt daşıma şirkəti vasitəsilə Azərbaycandan Avstraliyaya göndərilən İran vətəndaşı Mohammadianfaghlou Jalal Ebadollahının məxsus poçt bağlamasındakı parça materialına narkotik vasitə hopdurulduğu müəyyən edilib. Ümumilikdə parçanın daxilinə hopdurulan 3 kiloqramq 154 qram narkotik vasitə - tiryək aşkar olunub.
Dekabrın 9-da və 11-də isə Azərbaycanın Cəlilabad və Biləsuvar rayonlarından Avstraliyaya ünvanlanan poçt bağlamalarındakı yorğanların içərisindən 2 kiloqram 723,281 qram, 2 kiloqram 873,310 qram, 7,910 kiloqram, 8 kiloqram, 5 kiloqram 973 qram tiryək aşkar edilib.
Bağlamaları Cəlilabad poçt şöbəsinə təhvil verən Azərbaycan vətəndaşı etiraf edib ki, eyni qaydada içərisində narkotik vasitə olan daha bir bağlamanı İrandan gətirərək Kanadaya göndərib. Həmin bağlamaya baxış zamanı 2 ədəd uşaq döşəyinin süngərlərinə hopdurulan 4 kiloqram 860,890 qram tiryək aşkar edilib.
Cənub Ərazi Baş Gömrük İdarəsi İran vətəndaşı Delnavaz Bardızı Najib Ghasemə məxsus çamadana baxış zamanı 1 ədəd yorğan və 1 ədəd döşəyin içərisində yataq dəstinin süngərinə hopdurulan, ümumilikdə xalis çəkisi 4 kq 373,95 qram tiryək aşkar edib.
Delnavaz Bardızı Najib Ghasemin üzərində şəxsi yoxlama zamanı isə çəkisi 0,247 qram tiryək və 2,5 həbdən ibarət narkotik vasitə - metadon aşkar edilib.
Beləliklə, 5 fakt üzrə ümumilikdə 24 kiloqram narkotik vasitə aşkar edilərək dövriyyədən çıxarılıb.
Bu faktlarla bağlı Azərbaycan Respublikası Cinayət Məcəlləsinin 206.2, 206.3.2, 234.1, 234.4.1 və 234.4.3 maddələri ilə cinayət işi açılıb.
Eyni zamanda, əməliyyat-istintaq tədbirləri nəticəsində qaçaqmalçılıq yolu ilə külli miqdarda narkotik vasitəni ölkə ərazisinə keçirən, Azərbaycanın poçt şöbələri və poçt şirkətləri vasitəsilə Avstraliya və Kanadaya göndərən İran vətəndaşlarının şəxsiyyətləri müəyyən edilib. Onların ölkə ərazisinin hüdudlarından kənarda olduğu nəzərə alınaraq təqsirləndirilən şəxs qismində cəlb edilməklə barələrində qiyabi həbs qətimkan tədbiri seçilib. -03D-
Cəmiyyət
-
Azercell-in dəstəyi ilə fəaliyyət göstərən xidmətə ötən il ərzində 3500-dən çox müraciət daxil olub
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
Rəy yaz