Azərbaycan hakimiyyəti siyasi mühacirlərə təzyiqlərə son qoymağa çağırılır
Bakı/22.04.18/Turan: Azərbaycan Siyasi Məhbusları Müdafiə Mərkəzi hakimiyyəti ölkə rəhbərliyini tənqid edən siyasi mühacirlərin qohumlarına təzyiqlərə son qoymağa çağırıb.
Bu çağırış şənbə günü Mərkəzdə təqdim edilən "Avropa işi" üzrə araşdırmanın tövsiyələr bölməsində yer alıb.
23 səhifəlik sənədə faktlar, siyasi mühacirlərin və onları Azərbaycan hakimiyyətinə qarşı mübarizədən çəkinməyə məcbur etmək məqsədilə müxtəlif təzyiq formalarına (həbs, polisə aparılma, işdən çıxarılma ilə bağlı təhdidlər) məruz qalan qohumlarının adları daxilir.
Mərkəz hakimiyyəti və opponentləri siyasi polemikada insanın şərəf və ləyaqətinin alçaldılmasına yönələn hərəkətlərdən çəkinməyə çağırıb.
Mərkəzin koordinatoru Oqtay Gülalıyev qeyd edib ki, beynəlxalq təşkilatlar bu məsələdə passiv ola bilməzlər və Azərbaycan hakimiyyətinə tələb və tövsiyələrini artırmalıdırlar. 0-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz